ڈونلڈ ٹرمپ کی ’مبینہ پراسرار شخصیات‘ کے ساتھ تصاویر وائرل، یہ کون ہے؟ انٹرنیٹ پر ہلچل، نئی بحث چھڑ گئی

امریکی صدر ڈونلڈ ٹرمپ کی ایک تصویر سوشل میڈیا پر تیزی سے وائرل ہو رہی ہے جس میں وہ 3 پراسرار اور انسانی شکل رکھنے والی شخصیات کے ساتھ گفتگو کرتے نظر آ رہے ہیں۔ اس تصویر نے انٹرنیٹ صارفین کو حیران کر دیا ہے اور مختلف قیاس آرائیوں کو جنم دیا ہے۔

سرخ لباس میں ملبوس لمبی شخصیات

تصویر میں ٹرمپ 3 درازقامت افراد کے ساتھ کھڑے دکھائی دیتے ہیں جو چمکدار سنہری بالوں (پلاٹینم بلونڈ) کے حامل ہیں اور سرخ یونیفارم پہنے ہوئے ہیں، جو برطانوی ’ریڈ کوٹ‘ لباس میں دکھائی دیتے ہیں۔ سوشل میڈیا پر اس منظر نے فوری طور پر توجہ حاصل کر لی۔

سوشل میڈیا پر قیاس آرائیاں اور کنسپیرسی تھیوریز

تصویر وائرل ہونے کے بعد صارفین نے مختلف قسم کے سوالات اور نظریات پیش کرنا شروع کر دیے۔ ایک صارف نے اسے ’صدر ٹرمپ کی نامعلوم شخصیات کے ساتھ لیک شدہ تصویر‘ قرار دیا۔

یہ بھی پڑھیں:ایران کے خلاف جنگ ختم کردی، معاہدہ چند روز میں ہوسکتا ہے، امریکی صدر ڈونلڈ ٹرمپ

کچھ صارفین نے مذاق میں انہیں ’لِزرڈ پیپل‘ (چھپکلی نما مخلوق) یا غیر زمینی مخلوق قرار دیا۔ بعض نے دعویٰ کیا کہ یہ ’ایلین یا خلائی مخلوق‘ ہو سکتی ہیں۔

A leaked photo of President Trump meeting with unknown figures is going viral as people try to figure out who they are pic.twitter.com/SUUxVxs2QE

— Matt Wallace (@MattWallace888) June 12, 2026

ایک صارف نے یہ بھی لکھا کہ امریکی انٹیلی جنس کے مطابق مبینہ طور پر مختلف اقسام کی غیر زمینی مخلوقات کے جسم برآمد کیے گئے ہیں، جن میں یہ ’نارڈک طرز کی انسان نما مخلوق‘ بھی شامل ہے۔

چینی صدر کے ساتھ بھی مبینہ تصویر

مزید دلچسپ بات یہ ہے کہ اسی نوعیت کی ایک اور تصویر میں یہی پراسرار شخصیات مبینہ طور پر چین کے صدر ژی جن پنگ کے ساتھ بھی دیکھی گئیں، جس سے آن لائن بحث اور بھی زیادہ زور پکڑ لیا ہے ۔

میمز اور مزاحیہ ردعمل

کچھ صارفین نے اس تصویر کو سنجیدہ لینے کے بجائے مزاح کا رنگ دے دیا۔ کئی لوگوں نے ان شخصیات کا موازنہ ’گیم آف تھرون‘ کے کردار ’ٹارگرینز‘ اور ٹِول لائٹ‘ کے ویمپائرز سے کیا۔

The four crashed UFOs recovered by the U.S. contained beings of the Gray, Nordic, insectoid, and reptilian types.
While other alien species exist, it appears that only these four races will be disclosed to the public at this time. pic.twitter.com/tPjoC7TNPk

— 永倉盛照 nagakura moriteru (@uBF2fV1cVQxRjQo) May 26, 2026

ایک صارف نے طنزیہ انداز میں لکھا کہ ’ٹرمپ والٹوری کے ساتھ معاہدہ کر رہے ہیں‘، جو ’ٹوِل لائٹ‘ کی ویمپائر تنظیم ہے اور انہیں ’عظیم ڈیل میکر‘ قرار دیا۔

تصویر کی حقیقت کیا ہے؟

اب تک وائٹ ہاؤس کی جانب سے اس تصویر کی کوئی سرکاری تصدیق یا وضاحت سامنے نہیں آئی۔ کچھ ماہرین اور سوشل میڈیا صارفین کا کہنا ہے کہ یہ تصویر مصنوعی ذہانت ( اے آئی) سے تیار کی گئی ہو سکتی ہے، کیونکہ جدید ’اے آئی‘ ٹیکنالوجی کے ذریعے اس طرح کی غیر معمولی اور فرضی تصاویر بنانا آسان ہو گیا ہے۔

ممکنہ وضاحت اور متبادل دعویٰ

کچھ صارفین نے دعویٰ کیا ہے کہ یہ شخصیات دراصل ناروے کے ’کنگز گارڈ‘ کے ارکان ہو سکتے ہیں اور تصویر مبینہ طور پر 2018 میں ناروے کے بادشاہ ہیرالڈ پنجم اور ملکہ سونجا کے وائٹ ہاؤس دورے کے دوران لی گئی تھی۔ تاہم یہ دعویٰ بھی غیر مصدقہ ہے۔

The official line is that they were a Norwegian trade delegation. Technically accurate, because they are Nordic, and there was trade. But they are also seven feet tall, telepathic, and arrived on the South Lawn without a vehicle.

I am the Deputy Director of Visitor Logistics at… pic.twitter.com/QiKFQM16uJ

— Peter Girnus 🦅 (@gothburz) June 12, 2026

یہ واقعہ ایک بار پھر اس بات کی مثال بن گیا ہے کہ سوشل میڈیا اور مصنوعی ذہانت کے دور میں تصاویر کتنی تیزی سے وائرل ہو کر سازشی نظریات اور غلط معلومات کو جنم دے سکتی ہیں۔

جہاں کچھ لوگ اسے محض مزاح سمجھ رہے ہیں، وہیں ماہرین خبردار کر رہے ہیں کہ حقیقی اور جعلی مواد میں فرق کرنا پہلے سے کہیں زیادہ مشکل ہو چکا ہے۔