لاہور، فیصل آباد اور پنجاب کے دیگر علاقوں میں آندھی اور شدید بارش کے باعث مختلف حادثات پیش آئے، جن میں کئی افراد جاں بحق اور زخمی ہوگئے جبکہ متعدد علاقوں میں بجلی کا نظام بھی متاثر ہوا۔
گزشتہ روز لاہور سمیت پنجاب کے مختلف شہروں میں تیز آندھی کے بعد طوفانی بارش ہوئی، جس کے باعث معمولات زندگی متاثر ہوئے جبکہ بعض علاقوں میں درخت گرنے اور بجلی کے فیڈرز ٹرپ ہونے کی اطلاعات سامنے آئیں۔
https://x.com/ahmadbintehsin/status/2067647518368772516
فیصل آباد میں گرج چمک کے ساتھ ہونے والی بارش کے دوران مکان کی چھت گرنے سے 5 افراد زخمی ہوگئے، جنہیں طبی امداد کے لیے اسپتال منتقل کیا گیا۔
بہاولنگر میں دیوار گرنے کے باعث 3 افراد زخمی ہوئے، جبکہ چنیوٹ میں آسمانی بجلی گرنے سے ایک شخص جاں بحق اور ایک زخمی ہوگیا۔
یہ بھی پڑھیں:بارشوں کا نیا سلسلہ شروع ہونے کو تیار، شمالی علاقوں میں لینڈ سلائیڈنگ کا الرٹ جاری
بارش اور تیز ہواؤں کے باعث راجن پور، بورے والا اور جہانیاں سمیت مختلف علاقوں میں درخت اکھڑ گئے، جبکہ کئی علاقوں میں بجلی کے فیڈرز ٹرپ ہونے سے بجلی کی فراہمی متاثر ہوئی۔
دوسری جانب لاہور میں شدید موسم کے باعث پروازوں کی آمد و رفت بھی متاثر ہوئی اور فضائی آپریشن میں مشکلات کا سامنا کرنا پڑا۔
فیصل آباد میں شدید آندھی گرج چمک کے ساتھ طوفانی بارش ہو رہی ہے🌩️⛈️
میں حیران ہوں آج واپڈا والوں طبیعت تے ٹھیک اے
آج لائٹ نہیں بند کرنی 🤔 pic.twitter.com/mS7q3QlFsF— Salman Malik (@SalmanMalik444) June 18, 2026
پنجاب کے دیگر شہروں کے علاوہ ڈیرہ اسماعیل خان میں بھی بارش کے دوران پیش آنے والے حادثات میں چار افراد کے جاں بحق ہونے کی اطلاعات ہیں۔
محکمہ موسمیات نے مزید بارشوں کا امکان ظاہر کرتے ہوئے شہریوں کو احتیاطی تدابیر اختیار کرنے کی ہدایت کی ہے۔
