قومی اسمبلی کے بجٹ اجلاس کے دوران اسپیکر قومی اسمبلی سردار ایاز صادق نے اسلام آباد میمورنڈم آف انڈرسٹینڈنگ پر بطور ثالث دستخط کرنے پر وزیراعظم شہباز شریف کو مبارکباد پیش کی۔
اپنے خطاب میں اسپیکر نے کہا کہ یہ دن نہ صرف پارلیمنٹ اور حکومت بلکہ پوری پاکستانی قوم کے لیے باعثِ فخر ہے، کیونکہ اس تاریخی سفارتی پیش رفت کے ذریعے پاکستان کا عالمی وقار مزید بلند ہوا ہے۔
یہ بھی پڑھیں: پاکستان کی سفارتی کامیابیوں پر دنیا بھر میں چرچہ، بھارت سمیت عالمی سطح پر پاکستان کا نام گونج رہا ہے، وزیراعظم شہباز شریف
اسپیکر ایازصادق نے اس کامیابی کو غیر معمولی اور اپنی نوعیت کی پہلی بڑی سفارتی کامیابی قرار دیا۔
سردار ایاز صادق نے کہا کہ یہ پیشرفت وزیراعظم شہباز شریف کی مدبرانہ قیادت، امن پسندی اور مؤثر سفارت کاری کا نتیجہ ہے۔
مزید پڑھیں: ’اسلام آباد امن معاہدہ‘ کے خیرمقدمی بینرز، پاکستان کے سفارتی کردار کو خراجِ تحسین
انہوں نے اس موقع پر نائب وزیراعظم و وزیر خارجہ اسحاق ڈار اور چیف آف ڈیفنس فورسز سید عاصم منیر کی کوششوں، پیشہ ورانہ صلاحیتوں اور کردار کو بھی سراہا۔
انہوں نے وزیراعظم کی ٹیم اور وزارتِ خارجہ کی کاوشوں کو بھی خراجِ تحسین پیش کیا اور وزیراعظم سے ایوان میں خطاب کی درخواست کی تاکہ اراکین کو اس تاریخی سفارتی کامیابی کی تفصیلات سے آگاہ کیا جا سکے۔
