محکمہ موسمیات نے پیشگوئی کی ہے کہ آج ملک کے بیشتر علاقوں میں موسم گرم اور خشک رہے گا، جبکہ میدانی علاقوں میں دن کے دوران شدید گرمی برقرار رہنے کا امکان ہے۔
محکمہ موسمیات کے مطابق وفاقی دارالحکومت اسلام آباد اور گردونواح میں موسم گرم اور خشک رہے گا، جبکہ خیبرپختونخوا کے بیشتر اضلاع میں بھی گرمی برقرار رہے گی۔
تاہم سوات، کوہستان اور ملحقہ علاقوں میں تیز ہواؤں اور گرج چمک کے ساتھ بارش کا امکان ہے۔
یہ بھی پڑھیں: گلگت بلتستان اور خیبرپختونخوا میں گلیشیائی جھیلیں پھٹنے کا خطرہ، محکمہ موسمیات کا الرٹ جاری
پنجاب کے بیشتر اضلاع میں بھی موسم گرم اور خشک رہنے کی توقع ہے، جبکہ دن کے اوقات میں میدانی علاقوں میں شدید گرمی پڑ سکتی ہے۔
دوسری جانب مری، گلیات، جہلم، لاہور، شیخوپورہ اور سیالکوٹ میں تیز ہواؤں اور گرج چمک کے ساتھ بارش کا امکان ظاہر کیا گیا ہے۔
محکمہ موسمیات کے مطابق سندھ کے بیشتر اضلاع میں موسم گرم اور خشک رہے گا، جبکہ بلوچستان کے بیشترعلاقوں میں بھی موسم گرم اور خشک رہنے کا امکان ہے۔
مزید پڑھیں: جولائی سے ستمبر تک ملک میں معمول سے کم بارشوں کا امکان، محکمہ موسمیات کی پیشگوئی
صوبے کے وسطی اضلاع میں شدید گرمی کی پیشگوئی کی گئی ہے۔
کشمیر میں مطلع جزوی ابر آلود رہنے کے علاوہ تیز ہواؤں اور گرج چمک کے ساتھ چند مقامات پر بارش متوقع ہے، جبکہ ملحقہ پہاڑی علاقوں میں بھی کہیں کہیں بارش ہو سکتی ہے۔
گلگت بلتستان میں موسم مجموعی طور پر خشک رہے گا، تاہم مطلع جزوی ابر آلود رہنے کا امکان ہے۔
