اسپین کے شہر بارسلونا میں ہونے والی ایک نئی تحقیق سے معلوم ہوا ہے کہ زرافے بنیادی سطح پر مقدار کا اندازہ لگانے یا سادہ ریاضی کرنے کی صلاحیت رکھتے ہیں۔
یہ تحقیق یونیورسٹی آف بارسلونا، یونیورسٹی آف لیپزگ اور میکس پلانک انسٹی ٹیوٹ فار ایوولوشنری اینتھروپولوجی کے ماہرین نے مشترکہ طور پر کی، جس کے نتائج سائنسی جریدے سائینٹیفک رپورٹس (ScientificReports) میں شائع ہوئے۔
مزید پڑھیں:کنساس سٹی چڑیا گھر میں تیسرے نایاب زرافے کی پیدائش
How giraffes eat grass 🦒🌿pic.twitter.com/9VBbkYEazb
— Cosmic Gaia (@CosmicGaiaX) July 1, 2026
تحقیق کے دوران بارسلونا چڑیا گھر کے 4 زرافوں کو 2 برتن دکھائے گئے، جن میں مختلف مقدار میں گاجر کے ٹکڑے رکھے گئے تھے۔ اس کے بعد برتنوں کو ڈھانپ دیا گیا اور جرافوں کے سامنے ان میں مزید گاجر کے ٹکڑے ڈالے گئے یا کچھ ٹکڑے نکال لیے گئے۔
تجربے کے بعد زرافوں کو دونوں برتنوں میں سے ایک کا انتخاب کرنا تھا۔ نتائج سے معلوم ہوا کہ جرافوں نے 68 فیصد مواقع پر زیادہ گاجروں والا برتن منتخب کیا، جو محض اتفاق یا اندازے سے کہیں زیادہ شرح ہے۔
ماہرین نے مزید تجربات بھی کیے تاکہ یہ جانچا جا سکے کہ کہیں زرافے انسانوں کی حرکات یا دیگر اشاروں کو تو بنیاد نہیں بنا رہے۔ نتائج سے معلوم ہوا کہ 4 میں سے 2 زراف ممکنہ طور پر ایسے اشاروں سے متاثر ہوئے، تاہم باقی 2 زراف مسلسل زیادہ گاجروں والا برتن ہی منتخب کرتے رہے، جس سے یہ امکان مضبوط ہوتا ہے کہ وہ مقدار میں اضافے یا کمی کا ذہنی اندازہ لگا رہے تھے۔
God did giraffes bad ooo
Nature is already winning them 1:0
Imagine bending down to drink water only to see yourself in the belly of a lion.
This awkward position also makes giraffes more vulnerable to predators. pic.twitter.com/o8Pla9YiF2
— NaijaFarmer (@Nig_Farmer) June 30, 2026
مزید پڑھیں:سان ڈیاگو زو سفاری پارک میں ننھے مہمان کا اضافہ
محققین کے مطابق یہ نتائج اس بات کی جانب اشارہ کرتے ہیں کہ زرافے بھی بنیادی عددی ادراک (Basic Numerical Cognition) رکھتے ہیں۔ تاہم انہوں نے واضح کیا کہ اس صلاحیت کی مزید تصدیق کے لیے بڑے پیمانے پر مزید تحقیقات کی ضرورت ہے۔
