اپوفِس نامی بڑا اسٹیرائیڈ 13 اپریل 2029 کو زمین کے قریب سے گزرے گا، اور اندازہ ہے کہ دنیا کی تقریباً 90 فیصد آبادی یعنی 7.6 ارب افراد اسے اپنی آنکھ سے دیکھ سکیں گے۔
ماہرین کے مطابق یہ فلکیاتی منظر عام میٹیور کی طرح تیز نہیں ہوگا بلکہ ایک روشن نقطے کی صورت میں آسمان پر آہستہ آہستہ حرکت کرتا دکھائی دے گا، جس کی رفتار زیادہ سے زیادہ ایک قمری قطر فی منٹ تک ہوگی۔
یہ بھی پڑھیں: تاریخی خلائی مشن، آرٹیمس 2 زمین کے مقابلے میں چاند کے زیادہ قریب پہنچ گیا
رپورٹ کے مطابق 99942اپوفِس کی زمین کے قریب سے گزرنے کی یہ نمائش تقریباً 7 گھنٹے تک جاری رہے گی، جو 11:00 صبح سے 6:00 شام (ایسٹرن ڈے لائٹ ٹائم) تک ہوگی۔ اس دوران یہ آسٹیرائیڈ پہلے آسٹریلیا کے اوپر سے نمودار ہوگا اور بعد میں شمالی بحر اوقیانوس کے اوپر سے گزرتا ہوا نظر آئے گا۔
ماہرین نے بتایا کہ اس کی زیادہ سے زیادہ روشنی کا وقت تقریباً 4:35 بجے شام ہوگا، جب یہ کیمرون کے اوپر سے گزرتا ہوا افریقہ، ایشیا، جنوبی امریکہ اور یورپ کے کچھ حصوں میں سب سے زیادہ واضح طور پر دیکھا جاسکے گا۔
یہ بھی پڑھیں: 50 برس قبل روانہ ہونے والا ناسا وویجر زمین سے ایک نوری دن دور پہنچے کے قریب
سائنسدانوں کے مطابق اپوفِس کی دریافت 2004 میں ہوئی تھی، اور ابتدائی اندازوں میں اس کے زمین سے ٹکرانے کے امکانات موجود تھے، تاہم بعد کی جدید تحقیق اور مشاہدات کے بعد واضح کر دیا گیا ہے کہ آئندہ کم از کم ایک صدی تک اس کے زمین سے ٹکرانے کا کوئی خطرہ نہیں۔
