ملک کی مختلف ہائیکورٹس میں ایڈیشنل ججوں کی تقرری کے لیے جوڈیشل کمیشن آف پاکستان کے 4 الگ الگ اجلاس 20 اور 21 جولائی کو سپریم کورٹ میں طلب کر لیے گئے ہیں۔
چیف جسٹس پاکستان جسٹس یحییٰ آفریدی کی سربراہی میں ہونے والے اجلاسوں کا باقاعدہ ایجنڈا بھی جاری کردیا گیا ہے۔
یہ بھی پڑھیں: ہائیکورٹس میں تقرریاں: صدر زرداری نے درجنوں ایڈیشنل ججز کو مستقل کرنے کی منظوری دے دی
20 جولائی کو ہونے والے اجلاس میں اسلام آباد ہائیکورٹ، پشاور ہائیکورٹ اور سندھ ہائیکورٹ میں ایڈیشنل ججوں کی تقرریوں پر غور کیا جائے گا۔
اسلام آباد ہائیکورٹ کے لیے شاہ رخ ارجمند، محمد واجد حسین، عمیر مجید ملک، ایاز شوکت، سید واجد شاہ گیلانی، سید قمر حسین شاہ سبزواری اور سید انتخاب حسین شاہ کے نام زیر غور آئیں گے۔
21 جولائی کو لاہور ہائیکورٹ اور بلوچستان ہائیکورٹ میں ایڈیشنل ججوں کی تقرری کے لیے جوڈیشل کمیشن کا اجلاس منعقد ہوگا۔
یہ بھی پڑھیں: جوڈیشل کمیشن کا اجلاس، پشاور ہائیکورٹ کے 6 ایڈیشنل ججز کی مستقلی، 4 ججز کی توسیع کی منظوری
ایجنڈے کے مطابق سندھ ہائیکورٹ کے آئینی بینچز کی مدت میں توسیع کے معاملے پر بھی غور کیا جائے گا۔
