مقبوضہ کشمیر کے ضلع راجوری میں شدید بارشوں کے باعث آنے والے اچانک سیلاب نے تباہی مچا دی، جس کے نتیجے میں ایک شخص جاں بحق ہوگیا جبکہ متعدد گاڑیاں پانی کے تیز بہاؤ میں بہہ گئیں۔
رپورٹس کے مطابق راجوری میں ہفتے کی رات سے جاری موسلا دھار بارش کے بعد دریاؤں اور ندی نالوں میں طغیانی آگئی، جس سے نشیبی علاقے زیرِ آب آگئے۔ اچانک آنے والے سیلابی ریلوں نے کئی علاقوں کو متاثر کیا اور معمولاتِ زندگی شدید متاثر ہوئے۔
مزید پڑھیں:ملک بھر میں شدید بارشوں کی پیشگوئی، پی ڈی ایم اے اور محکمہ موسمیات کا سیلابی انتباہ
شدید سیلاب کے باعث راجوری کا نیا بس اڈہ بھی متاثر ہوا، جبکہ متعدد گاڑیاں پانی کے ریلے میں بہہ گئیں اور کئی دیگر زیرِ آب آگئیں۔ حکام کے مطابق ایک لاپتہ خاتون کی لاش بھی برآمد کرلی گئی ہے۔
A severe flood has hit a place called ‘Bela’ in Rajouri, Jammu & Kashmir. More than 50 vehicles have been destroyed and washed away into the river, and over 100 buffaloes have also swept away . @OmarAbdullah @dmrajouri pic.twitter.com/6OopSK4Blh
— Atif Mughal (@AtifMug61900009) July 19, 2026
انتظامیہ کے مطابق راجوری کے مختلف دریاؤں، جن میں درہلی، کھنڈلی، سکھتوہ اور جمولا شامل ہیں، میں پانی کی سطح خطرے کے نشان تک پہنچ گئی یا بعض مقامات پر اس سے تجاوز کر گئی، جس کے باعث متعدد علاقوں کو خالی کروا کر لوگوں کو محفوظ مقامات پر منتقل کیا گیا۔
مزید پڑھیں:امریکا کو بیک وقت دھوئیں، جنگلاتی آگ اور تباہ کن سیلاب کا سامنا، وجہ کیا بنی؟
حکام نے شہریوں کو احتیاطی تدابیر اختیار کرنے اور دریاؤں و ندی نالوں کے قریب جانے سے گریز کرنے کی ہدایت کی ہے۔ خراب موسمی صورتحال کے باعث جموں و کشمیر کے بعض علاقوں میں سیاحتی اور مذہبی سرگرمیاں بھی عارضی طور پر متاثر ہوئی ہیں۔
