بھارت اور نیپال میں مون سون کی تباہ کاریاں، سیلاب اور لینڈ سلائیڈنگ سے درجنوں ہلاکتیں

بھارت کے شمالی اور شمال مشرقی علاقوں میں ہفتے کے آخر میں ہونے والی موسلادھار بارشوں کے باعث آنے والے سیلاب اور لینڈ سلائیڈنگ کے مختلف واقعات میں کم از کم 25 افراد ہلاک ہو گئے، جبکہ محکمہ موسمیات نے آئندہ چند روز کے دوران مزید بارشوں کی پیش گوئی کی ہے۔

یہ بھی پڑھیں: جاپان اور نیپال نے بھارتی آموں کی درآمد پر پابندی لگا دی، وجہ کیا ہے؟

حکام کے مطابق بھارت کے غیر قانونی زیر قبضہ جموں و کشمیر کے اضلاع پونچھ، راجوری اور ڈوڈہ میں بارشوں سے متعلق مختلف حادثات میں کم از کم 15 افراد جان کی بازی ہار گئے، جبکہ کئی افراد کے لاپتا ہونے کی اطلاعات بھی موصول ہوئی ہیں۔

شمال مشرقی ریاست ناگالینڈ میں مسلسل بارشوں کے باعث متعدد مقامات پر لینڈ سلائیڈنگ ہوئی، جس کے نتیجے میں 9 افراد ہلاک ہو گئے۔

بھارت ناگالینڈ –

ضلع کے مون ٹاؤن میں مسلسل بارش کے نتیجے میں متعدد مٹی کے تودے گرنے سے کم از کم آٹھ افراد ہلاک اور 12 سے زیادہ زخمی ہوگئے۔

مسلسل موسلادھار بارش کی وجہ سے لینڈ سلائیڈنگ نے قصبے کے علاقے میں کئی مکانات اور ڈھانچے ملبے تلے دب گئے۔ ریسکیو ٹیمیں ملبے تلے دبی… pic.twitter.com/N84D3L7UOD

— Shahid Hussain (@ShahidHussainJM) July 20, 2026

ضلعی حکام کے مطابق امدادی ٹیمیں اب تک 4 افراد کی لاشیں نکال چکی ہیں۔

پڑوسی ریاست آسام میں بھی سیلاب کے باعث اتوار کو ایک شخص ہلاک ہوگیا، ریاستی ڈیزاسٹر مینجمنٹ اتھارٹی کے مطابق موسلادھار بارشوں سے 7 اضلاع میں 57 ہزار سے زائد افراد متاثر ہوئے ہیں۔

Floods, landslides across northern India kill at least 25 https://t.co/EYHioXjkMD

— Reuters Asia (@ReutersAsia) July 20, 2026

بھارتی محکمہ موسمیات نے سوشل میڈیا پلیٹ فارم ایکس پر جاری بیان میں کہا ہے کہ شمال مغربی، مشرقی اور شمال مشرقی بھارت میں آئندہ 6 سے 7 روز تک مون سون کی سرگرمیاں برقرار رہنے کا امکان ہے۔

دوسری جانب پڑوسی ہمالیائی ملک نیپال میں بھی مون سون کی بارشوں نے تباہی مچا دی ہے، قومی ڈیزاسٹر رسک ریڈکشن اینڈ مینجمنٹ اتھارٹی کے مطابق جون کے وسط میں مون سون شروع ہونے کے بعد سے سیلاب، لینڈ سلائیڈنگ، شدید بارشوں اور آسمانی بجلی گرنے کے واقعات میں 27 افراد ہلاک، ایک لاپتا اور 69 زخمی ہو چکے ہیں۔

Continuous rainfall has triggered landslides and flooding, disrupting traffic along nine major highways across the country, according to Nepal Police.https://t.co/ZtjpTFtHzL

— Khabarhub English (@Khabarhub_Eng) July 20, 2026

پولیس کے مطابق لینڈ سلائیڈنگ کے بعد ملبہ سڑکوں پر آنے سے دارالحکومت کھٹمنڈو کو جنوبی میدانی علاقوں سے ملانے والی مرکزی شاہراہ سمیت کئی اہم شاہراہیں بند ہو گئی ہیں۔

نیپال کے محکمہ موسمیات نے پیر کے روز ملک کے بیشتر علاقوں میں ہلکی سے درمیانی بارش جبکہ کوشی، باگمتی، گنڈکی اور لمبنی صوبوں کے بعض مقامات پر شدید بارش کی پیشگوئی کی ہے۔