پاکستان تحریکِ انصاف (پی ٹی آئی) کے رہنما اور سابق اسپیکر قومی اسمبلی اسد قیصر کی انگلینڈ میں بچوں کے ساتھ کرکٹ کھیلتے ہوئے ایک ویڈیو سوشل میڈیا پر وائرل ہو رہی ہے جس پر مختلف صارفین کی جانب سے تبصرے اور تنقید کا سلسلہ جاری ہے۔
5 اگست: پشاور سیمی فائنل، سابق اسپیکر اسد قیصر ایکشن میں، پشاور کے سیمی فائنل سے قبل وارم اپ pic.twitter.com/5RH3f8KAcO
— Wahidullah (@wahidullah002) July 29, 2026
سوشل میڈیا پر بعض صارفین نے طنزیہ انداز میں سوال اٹھایا کہ آیا اسد قیصر اس ’سیمی فائنل‘ کی تیاری کر رہے ہیں جس کا ذکر حالیہ دنوں میں پی ٹی آئی رہنما سہیل آفریدی اپنی گفتگو میں کرتے رہے ہیں۔ احسن نامی صارف نے تنقید کرتے ہوئے کہا کہ اسد قیصر اپنی اولاد کے ساتھ بیرون ملک وقت گزار رہے ہیں اور شام کو سوشل میڈیا پر غریب کے بچوں کو کہتے انقلاب کے لیے نکلو اور جان دو۔
صوابی میں پرائیویٹ سکول بنایا تھا وہ بھی تین چار ماسٹروں سے مل کر پھر نئے پاکستان میں آپ کو فورمینی کی نوکری مل گئی اب ما شاء اللہ اسد قیصر صاحب لندن میں اپنا کاروبار کرتے ہیں،
آل اولاد کے ساتھ وقت گزاری کرتے اور شام کو سوشل میڈیا پر غریب کے بچوں کو کہتے انقلاب کے لیے نکلو جان دو pic.twitter.com/ZIRiByGTEy— Ehsan (@Ehsan038) July 30, 2026
پی ٹی آئی کے ایک حامی صارف نے اسد قیصر پر سخت تنقید کرتے ہوئے لکھا ’کیا ہوا اگر عمران خان کی ایک آنکھ کی بینائی متاثر ہو گئی، کیا ہوا اگر وہ کئی ماہ سے قیدِ تنہائی میں ہیں، کیا ہوا اگر وہ اپنے قریبی ساتھیوں سے محروم ہو رہے ہیں لیکن اسد قیصر کے لیے اہلِ خانہ سمیت دورۂ انگلینڈ زیادہ اہم ہے‘۔
کیا ہوا اگر خان صاحب کی آنکھ مکمل آندھی ہو گئ، کیا ہوا اگر جو مہینے سے وہ قید تنہائی میں ہیں، کیا ہوا اگر وہ دائیاں بازو کھو رہے ہیں بس اسد قیصر کا سارا خاندان سمیت دورہ انگلینڈ ضروری ہے۔۔۔۔۔ pic.twitter.com/lgfvDrm5XZ
— Rajkumari. (@Rajkumari_KK) July 29, 2026
واضح رہے کہ پاکستان تحریکِ انصاف نے بانی چیئرمین عمران خان کی گرفتاری کے 3 سال مکمل ہونے کے موقع پر 5 اگست 2026 کو پشاور میں موٹروے کے قریب ایک بڑے جلسے کے انعقاد کا اعلان کر رکھا ہے۔ پارٹی کے مطابق اس جلسے میں آئندہ کی سیاسی حکمتِ عملی اور حتمی لائحۂ عمل پیش کیا جائے گا۔
