نائب وزیراعظم و وزیر خارجہ سینیٹر محمد اسحاق ڈار نے وزارت خارجہ میں ایک اعلیٰ سطحی اجلاس کی صدارت کی، جس میں قونصلر خدمات کو مزید مؤثر، شفاف اور عوام دوست بنانے کے لیے کیے جانے والے اقدامات کا جائزہ لیا گیا۔
اجلاس میں نائب وزیراعظم کو عوامی سہولت میں اضافے کے لیے اٹھائے گئے اقدامات پر بریفنگ دی گئی۔ انہیں بتایا گیا کہ قونصلر خدمات کو مرحلہ وار ڈیجیٹل بنانے کا منصوبہ تیار کیا جا رہا ہے، جبکہ شہریوں کو زیادہ سہولت فراہم کرنے کے لیے صبح اور شام کی شفٹیں متعارف کرانے پر بھی کام جاری ہے۔
Deputy Prime Minister/Foreign Minister Senator Mohammad Ishaq Dar @MIshaqDar50 chaired a meeting at the Ministry of Foreign Affairs to review measures for further improving consular services.
DPM/FM was briefed on the steps undertaken to enhance public facilitation, including… pic.twitter.com/KYQ0HSzjrI
— Ministry of Foreign Affairs – Pakistan (@ForeignOfficePk) July 30, 2026
اس موقع پر اسحاق ڈار نے ہدایت کی کہ قونصلر خدمات کو مزید مضبوط، مؤثر اور شفاف بنایا جائے تاکہ شہریوں کو بروقت، آسان اور معیاری سہولیات فراہم کی جا سکیں۔ انہوں نے کہا کہ عوامی خدمت کے نظام میں بہتری حکومت کی ترجیحات میں شامل ہے اور اس مقصد کے لیے تمام ضروری اقدامات کیے جائیں۔
