انٹرنیشنل کرکٹ کونسل (آئی سی سی) نے مینز کرکٹ ورلڈ کپ 2027 کے لیے 12 میزبان وینیوز کا باضابطہ اعلان کردیا ہے۔ ایونٹ جنوبی افریقا، زمبابوے اور نمیبیا میں منعقد ہوگا، جہاں مجموعی طور پر 57 میچز کھیلے جائیں گے۔
جنوبی افریقا اور زمبابوے 2003 کے بعد ایک بار پھر مشترکہ طور پر ورلڈ کپ کی میزبانی کریں گے، جبکہ نمیبیا اپنی تاریخ میں پہلی مرتبہ کسی سینیئر آئی سی سی عالمی ٹورنامنٹ کی میزبانی کا اعزاز حاصل کرے گا۔
مزید پڑھیں:پاکستان کا کرکٹ ورلڈ کپ پلان: میچز کا کامیاب اختتام کرنے کے لیے کن بیٹرز کو تیار کیا جا رہا ہے؟
ورلڈ کپ کے لیے جنوبی افریقا کے 8، زمبابوے کے 3 اور نمیبیا کے ایک شہر کو میزبان منتخب کیا گیا ہے۔
جنوبی افریقا میں جوہانسبرگ کا وانڈررز اسٹیڈیم، کیپ ٹاؤن کا نیو لینڈز کرکٹ گراؤنڈ، ڈربن کا کنگزمیڈ کرکٹ گراؤنڈ، سنچورین، پارل، بلوم فونٹین، گکیبیرا اور بفیلو پارک ورلڈ کپ کے میچز کی میزبانی کریں گے۔
𝐒𝐨𝐮𝐭𝐡 𝐀𝐟𝐫𝐢𝐜𝐚 🇿🇦 𝐙𝐢𝐦𝐛𝐚𝐛𝐰𝐞 🇿🇼 𝐍𝐚𝐦𝐢𝐛𝐢𝐚 🇳🇦
Three nations. One heartbeat. 1️⃣2️⃣ venues. One unforgettable #CWC27 in sight 🏆
For more details and to register your interest for the event ➡️ https://t.co/QLxDyjmGjC pic.twitter.com/1jyOQcjiaN
— ICC (@ICC) July 30, 2026
زمبابوے میں دارالحکومت ہرارے کا ہرارے اسپورٹس کلب، بلاوایو کا کوئنز اسپورٹس کلب اور وکٹوریہ فالز کا فیلے موسیٰ او آ تونیا انٹرنیشنل کرکٹ اسٹیڈیم ایونٹ کے میزبان وینیوز میں شامل ہیں۔
دوسری جانب نمیبیا کے دارالحکومت ونڈہوک میں واقع نمیبیا کرکٹ گراؤنڈ بھی ورلڈ کپ 2027 کے میچز کی میزبانی کرے گا۔
مزید پڑھیں:2027 ورلڈ کپ کی تیاری کے لیے نیشنل چیمپیئنز کپ اہم ثابت ہوگا، مائیک ہیسن
آئی سی سی کے مطابق ورلڈ کپ 2027 میں 14 ٹیمیں ٹائٹل کے حصول کے لیے مدمقابل ہوں گی، جبکہ ٹورنامنٹ کے دوران مجموعی طور پر 57 میچز کھیلے جائیں گے۔
آئی سی سی نے اس عالمی ایونٹ کے لیے 3 مرحلوں پر مشتمل نیا مقابلہ جاتی فارمیٹ بھی متعارف کرایا ہے، جس کے تحت ٹیمیں مختلف مراحل سے گزرتے ہوئے ٹائٹل کی دوڑ میں شامل رہیں گی۔
