وزیراعظم محمد شہباز شریف سے پاکستان میں آذربائیجان کے سفیر خضر فرہادوف نے اپنی الوداعی ملاقات کی، جس میں نائب وزیراعظم و وزیر خارجہ سینیٹر محمد اسحاق ڈار اور سیکریٹری خارجہ آمنہ بلوچ بھی موجود تھیں۔
وزیراعظم نے سفیر خضر فرہادوف کی تعیناتی کے دوران پاکستان اور آذربائیجان کے برادرانہ تعلقات کے فروغ کے لیے ان کی خدمات کو سراہتے ہوئے کہا کہ دونوں ممالک کے درمیان سیاسی، تجارتی، اقتصادی، دفاعی، ثقافتی اور عوامی روابط میں نمایاں پیش رفت ہوئی، جبکہ براہِ راست پروازوں کے آغاز میں بھی ان کا اہم کردار رہا۔
Ambassador of the Republic of Azerbaijan to Pakistan, H.E. Mr. Khazar Farhadov, paid a farewell call on Prime Minister Muhammad Shehbaz Sharif at the Prime Minister’s House.@KulAalam @AbidJamalQazi pic.twitter.com/CECwy1uVTI
— Media Talk (@mediatalk922) July 31, 2026
شہباز شریف نے آذربائیجان کے صدر الہام علییف کے لیے نیک خواہشات کا اظہار کرتے ہوئے دونوں ممالک کے درمیان تعلقات کو مزید مستحکم بنانے کے پاکستان کے عزم کا اعادہ کیا۔ انہوں نے کہا کہ سفیر خضر فرہادوف کے دورِ تعیناتی میں قائم ہونے والی مضبوط بنیادیں مستقبل میں بھی دوطرفہ تعاون کو مزید وسعت دینے میں معاون ثابت ہوں گی۔
مزید پڑھیں:وزیراعظم محمد شہباز شریف نے پی ٹی وی کے انگریزی چینل ’پاکستان ٹی وی ڈیجیٹل‘ کا افتتاح کردیا
اس موقع پر سفیر خضر فرہادوف نے حکومتِ پاکستان اور پاکستانی عوام کی جانب سے ملنے والی مہمان نوازی اور تعاون پر شکریہ ادا کیا اور پاکستان کے ساتھ اسٹریٹجک شراکت داری کو مزید گہرا کرنے کے آذربائیجان کے عزم کا اعادہ کیا۔ ملاقات کے اختتام پر انہوں نے وزیراعظم کو اپنے خاندان کے پاکستان میں قیام کے تجربات پر مبنی ایک کتاب بھی پیش کی۔
