جمہوریہ بیلاروس کے چیف آف جنرل اسٹاف اور فرسٹ ڈپٹی ڈیفنس منسٹر میجر جنرل پاویل مراویکو کی قیادت میں ایک اعلیٰ سطحی وفد نے نیول ہیڈکوارٹرز اسلام آباد میں پاک بحریہ کے سربراہ ایڈمرل نوید اشرف سے ملاقات کی۔
یہ بھی پڑھیں: مستقبل کی جنگیں نئی حکمت عملیوں کی متقاضی ہیں، نیول چیف ایڈمرل نوید اشرف
پاک بحریہ کے سربراہ نے معزز مہمان کا خیرمقدم کیا۔ ملاقات کے دوران باہمی دلچسپی کے پیشہ ورانہ امور، خصوصاً دفاعی تعاون کو مزید فروغ دینے سے متعلق مختلف پہلوؤں پر تبادلہ خیال کیا گیا۔
اس موقع پر ایڈمرل نوید اشرف نے کہا کہ پاکستان بیلاروس کے ساتھ اپنے تعلقات کو بہت اہمیت دیتا ہے اور دونوں ممالک کے درمیان طویل المدتی، ہمہ جہت اور مؤثر تعاون کو مزید مضبوط بنانے کا خواہاں ہے۔
بیلاروسی وفد کے سربراہ نے علاقائی سمندری امن و استحکام کے فروغ کے لیے پاک بحریہ کی پیشہ ورانہ خدمات اور عزم کو سراہتے ہوئے اس کی تعریف کی۔
مزید پڑھیے: مستقبل کی جنگیں نئی حکمت عملیوں کی متقاضی ہیں، نیول چیف ایڈمرل نوید اشرف
ملاقات میں دونوں فریقوں نے اس عزم کا اظہار کیا کہ پاکستان اور بیلاروس کے درمیان موجودہ دوطرفہ دفاعی تعلقات کو مزید مضبوط بنانے کے ساتھ ساتھ مختلف شعبوں میں تعاون کے دائرہ کار کو بھی وسعت دی جائے گی۔
