وزیراعلیٰ پنجاب مریم نواز شریف سے 30 رکنی امریکی کاروباری وفد نے ملاقات کی، جس میں پنجاب میں سرمایہ کاری، تجارتی تعاون اور مختلف شعبوں میں مشترکہ منصوبوں کے فروغ پر اتفاق کیا گیا۔ ملاقات میں امریکی وفد نے پنجاب میں معاشی اصلاحات، کاروباری سہولتوں اور “ستھرا پنجاب” پروگرام کو سراہتے ہوئے پاکستان میں سرمایہ کاری کے وسیع امکانات کا اظہار کیا۔
وزیراعلیٰ پنجاب مریم نواز شریف سے مختلف شعبوں سے تعلق رکھنے والے 30 رکنی امریکی کاروباری وفد نے ملاقات کی، جس میں پنجاب اور امریکا کے درمیان سرمایہ کاری، اقتصادی روابط اور پائیدار تجارتی شراکت داری کو مزید مستحکم بنانے پر اتفاق کیا گیا۔
Chief Minister Maryam Nawaz Sharif addresses a high-level U.S. business delegation. The delegation includes professionals and investors from the healthcare, AI, IT, minerals, and energy sectors. pic.twitter.com/3VsnhwhH5d
— PMLN (@pmln_org) August 1, 2026
وزیراعلیٰ مریم نواز شریف نے امریکی وفد کا پرتپاک استقبال کیا۔ وفد میں میڈیکل، معدنیات، مینوفیکچرنگ، آئی ٹی، صنعت، ہاسپیٹلٹی، توانائی، الیکٹرانکس اور مارکیٹنگ سمیت مختلف شعبوں کی معروف کاروباری شخصیات شامل تھیں۔
ملاقات کے دوران امریکی وفد کو پنجاب حکومت کے ’پیوٹ‘ (PIVOT) پروگرام پر تفصیلی بریفنگ دی گئی، جبکہ وزیراعلیٰ نے انہیں صوبے میں کاروباری آسانیاں پیدا کرنے کے لیے متعارف کرائی گئی اصلاحات اور سرمایہ کار دوست پالیسیوں سے بھی آگاہ کیا۔
فریقین نے پنجاب میں سرمایہ کاری کے نئے مواقع تلاش کرنے، مشترکہ منصوبوں کے آغاز اور دوطرفہ اقتصادی تعاون کو وسعت دینے پر تبادلہ خیال کیا۔ امریکی وفد نے وزیراعلیٰ مریم نواز شریف کو امریکا کے دورے کی دعوت بھی دی، جسے انہوں نے قبول کرنے پر آمادگی ظاہر کی۔
یہ بھی پڑھیں:پیپلز پارٹی دھاندلی کا رونا رو رہی ہے ’قیامت کتنے بجے ہے؟‘، مریم نواز
ملاقات میں وزیراعلیٰ مریم نواز شریف نے ہوم ڈائیلاسز مشینوں کی فراہمی میں خصوصی دلچسپی ظاہر کی، جبکہ امریکی وفد نے شریمپ فارمنگ کے شعبے میں تعاون کی خواہش کا بھی اظہار کیا۔
سیکریٹری اسپیشل انویسٹمنٹ فیسلیٹیشن کونسل جمیل قریشی نے وفد کو پاکستان میں سرمایہ کاری کے مواقع اور حکومتی اقدامات سے متعلق بریفنگ دی۔
امریکی کاروباری وفد نے کہا کہ پاکستان کاروبار کے لیے مکمل طور پر تیار ہے اور پنجاب حکومت نے بہترین مہمان نوازی اور بھرپور تعاون فراہم کیا۔ وفد کے ارکان نے کہا کہ پنجاب میں ترقیاتی منصوبوں اور معاشی پیش رفت نے انہیں بے حد متاثر کیا ہے، جبکہ ’ستھرا پنجاب‘ پروگرام کو انہوں نے ایک گیم چینجر قرار دیا۔
وفد کا کہنا تھا کہ پاکستان دنیا کی کم عمر ترین آبادی رکھنے والے ممالک میں شامل ہے، جس میں غیر معمولی صلاحیت موجود ہے، اور اگر اس انسانی سرمایہ سے مؤثر انداز میں فائدہ اٹھایا جائے تو پاکستان خطے کی ایک بڑی معاشی قوت بن سکتا ہے۔
