نیویارک: اقوام متحدہ میں پاکستان کے مستقل مندوب عاصم افتخار احمد نے نوجوانوں پر زور دیا ہے کہ وہ مستقبل کے عالمی اداروں اور نئی سوچ کی تشکیل میں فعال کردار ادا کریں اور ایسی قیادت کو فروغ دیں جو تعاون، مکالمے اور امید کو تقسیم، تصادم اور خوف پر ترجیح دے۔
سماجی رابطے کی ویب سائٹ ایکس پر جاری اپنے بیان میں عاصم افتخار احمد نے بتایا کہ انہوں نے اقوام متحدہ میں منعقدہ کانفرنس کے نوجوان شرکا سے خطاب میں انہوں نے نوجوانوں کو مستقبل کے سفارت کار، پالیسی ساز، کھلاڑی، ماہرین تعلیم، کاروباری شخصیات، جدت کار اور کمیونٹی رہنما قرار دیتے ہوئے کہا کہ وہ آنے والے کل کے اداروں اور نظریات کی تشکیل میں اپنا مؤثر کردار ادا کریں۔
It was great speaking to the young participants of the Conference titled "Future We Want: Global Initiative for Young Leaders" at the UN.
I urged our future diplomats, policymakers, sportsmen, sportswomen, academics, entrepreneurs, innovators, and community leaders to help… pic.twitter.com/K6ffb94l36
— Asim Iftikhar Ahmad, PR of Pakistan to the UN (@PakistanPR_UN) August 1, 2026
انہوں نے نوجوانوں کو تجسس، ہمدردی اور مختلف آرا کو کھلے دل سے سننے اور قبول کرنے کی تلقین کرتے ہوئے کہا کہ تنوع کو اپنانا اور مختلف نقطۂ نظر کو سمجھنا مؤثر قیادت کی بنیادی خصوصیات ہیں۔
پاکستانی مستقل مندوب نے کہا کہ بین الاقوامی تعلقات کی کئی نمایاں کامیابیاں ان افراد کی مرہونِ منت ہیں جنہوں نے رکاوٹوں کے باوجود پل تعمیر کیے، اختلافات کے باوجود مشترکہ نکات تلاش کیے اور تعاون کے راستے اختیار کیے۔
یہ بھی پڑھیں:شاہد آفریدی کا اقوام متحدہ ہیڈکوارٹرز کا دورہ، سفیر عاصم افتخار سے ملاقات
عاصم افتخار احمد نے اس امید کا اظہار کیا کہ مستقبل انہی لوگوں کے ہاتھوں تشکیل پائے گا جو تقسیم کے بجائے تعاون، محاذ آرائی کے بجائے مکالمے اور خوف کے بجائے امید کا راستہ اختیار کریں گے۔ انہوں نے نوجوانوں پر زور دیا کہ وہ مثبت سوچ، باہمی احترام اور مشترکہ مقاصد کے ذریعے ایک بہتر اور پُرامن عالمی مستقبل کی تعمیر میں اپنا کردار ادا کریں۔
