انگلینڈ نے پاکستان کے خلاف 3 ٹیسٹ میچوں کی سیریز کے ابتدائی 2 مقابلوں کے لیے 16 رکنی اسکواڈ کا اعلان کر دیا ہے۔ بین اسٹوکس کی ریٹائرمنٹ کے بعد جو روٹ مستقل ٹیسٹ کپتان کی حیثیت سے پہلی بار ٹیم کی قیادت کریں گے، جبکہ ڈین لارنس، جورڈن کاکس، اولی پوپ اور سام کک کو اسکواڈ میں شامل کیا گیا ہے۔
انگلینڈ کرکٹ بورڈ نے پاکستان کے خلاف 19 اگست سے شروع ہونے والی 3 ٹیسٹ میچوں کی سیریز کے ابتدائی 2 میچوں کے لیے 16 رکنی اسکواڈ کا اعلان کر دیا ہے، جس کے ساتھ ہی بین اسٹوکس کے بعد انگلینڈ کے ٹیسٹ کرکٹ کے نئے دور کا باقاعدہ آغاز بھی ہو گیا۔
England have announced their squad for the first two Tests against Pakistan.
Dan Lawrence returns, two years on from his last call-up. He's set to bat at 6.
Jordan Cox will bat at 3 in place of the injured Jacob Bethell.
Sam Cook, Brydon Carse and Ollie Pope also return. pic.twitter.com/2sILPYxkRV
— Test Match Special (@bbctms) August 6, 2026
سیریز کا پہلا ٹیسٹ ہیڈنگلے میں کھیلا جائے گا، جہاں جو روٹ مستقل ٹیسٹ کپتان کی حیثیت سے اپنی پہلی ذمہ داری نبھائیں گے۔
اسکواڈ میں ڈین لارنس، اولی پوپ اور سام کک کی واپسی ہوئی ہے، جبکہ نوجوان بیٹر جورڈن کاکس کو بھی دوبارہ شامل کرتے ہوئے تیسرے نمبر پر بیٹنگ کی ذمہ داری سونپی گئی ہے۔ یہ موقع انہیں جیکب بیتھل کی انجری کے باعث ملا ہے، جو گھٹنے کی تکلیف کے باعث پوری پاکستان سیریز سے باہر ہو گئے ہیں۔
انگلینڈ کے سلیکٹر مارکس نارتھ نے کہا کہ پاکستان جیسی مضبوط ٹیم کے خلاف تجربے اور نوجوان صلاحیتوں کے درمیان متوازن اسکواڈ منتخب کیا گیا ہے۔ ان کے مطابق ڈین لارنس نے کاؤنٹی چیمپئن شپ میں شاندار کارکردگی دکھائی، جس کے باعث انہیں دوبارہ موقع دیا گیا، جبکہ جورڈن کاکس کو انگلینڈ کے مستقبل کے باصلاحیت بیٹرز میں شمار کیا جاتا ہے۔
Dan Lawrence and Jordan Cox set to play in England’s first Test against Pakistan https://t.co/Jlk53X4PPb
— Shropshire Star (@ShropshireStar) August 6, 2026
ڈین لارنس چھٹے نمبر پر بیٹنگ کریں گے، جبکہ ان کی آف اسپن بولنگ ٹیم کو اضافی آپشن فراہم کرے گی، جس سے انگلینڈ کو چار فرنٹ لائن فاسٹ بولرز کے ساتھ میدان میں اترنے میں مدد مل سکتی ہے۔
اسکواڈ میں اسپنر شعیب بشیر کو برقرار رکھا گیا ہے، جبکہ فاسٹ بولرز میں جوفرا آرچر، گس اٹکنسن، میتھیو فشر، اولی رابنسن، برائیڈن کارس اور سام کک شامل ہیں۔ برائیڈن کارس بھی انجری سے صحت یاب ہونے کے بعد ٹیسٹ ٹیم میں واپس آئے ہیں۔
یہ بھی پڑھیں:بابر اعظم نے عمران خان کا بڑا ریکارڈ برابر، اسٹیو وا کا عالمی ریکارڈ توڑ دیا
پاکستان کے خلاف یہ سیریز انگلینڈ کے نئے کوچنگ سیٹ اپ کے تحت بھی پہلی سیریز ہوگی۔ برینڈن میک کولم کے ٹیسٹ کوچ کا عہدہ چھوڑنے کے بعد مارکس ٹریسکوتھک عبوری ہیڈ کوچ کی ذمہ داریاں انجام دیں گے، جبکہ نئے مستقل ہیڈ کوچ اسٹیفن فلیمنگ ستمبر میں ٹیم کا چارج سنبھالیں گے۔
پاکستان اور انگلینڈ کے درمیان تین ٹیسٹ میچوں کی یہ سیریز 19 اگست سے شروع ہوگی، جسے دونوں ٹیموں کے لیے ورلڈ ٹیسٹ چیمپئن شپ کے تناظر میں بھی اہم قرار دیا جا رہا ہے۔
