پاکستان نے ویسٹ انڈیز کو دوسرے ٹیسٹ میچ میں 8 وکٹوں سے شکست دے کر دو میچوں کی سیریز ایک، ایک سے برابر کر دی، جبکہ قومی ٹیم کے کپتان بابر اعظم نے اس کامیابی کے ساتھ کئی اہم ریکارڈ بھی اپنے نام کر لیے۔
میڈیا رپورٹس کے مطابق بابر اعظم کو سیریز میں عمدہ بیٹنگ پر ویسٹ انڈیز کے جسٹن گریوز کے ساتھ مشترکہ طور پر پلیئر آف دی سیریز قرار دیا گیا۔ بابر نے چار اننگز میں مجموعی طور پر 192 رنز بنائے، جن میں دوسرے ٹیسٹ کی 88 رنز کی اہم اننگز بھی شامل تھی۔
🏏 Most Test Wins by Pakistan Captains in West Indies
🥇 Misbah-ul-Haq — 3 Wins
🥈 Babar Azam — 2 WinsBabar joins the elite list with another historic Test victory in the Caribbean. 🔥#BabarAzam #PakistanCricket #Cricket360 pic.twitter.com/kB5pJw2hvY
— Cricket 360 (@RealCrickets360) August 5, 2026
اس اعزاز کے ساتھ بابر اعظم نے پاکستان کی جانب سے مختلف فارمیٹس میں سب سے زیادہ 10 پلیئر آف دی سیریز ایوارڈز جیتنے کے عمران خان کے ریکارڈ کی برابری کر لی۔ عمران خان نے اپنے کیریئر میں 8 ٹیسٹ اور 2 ون ڈے سیریز میں یہ اعزاز حاصل کیا تھا، جبکہ بابر اعظم کے نام اب ایک ٹیسٹ، 4 ون ڈے اور 5 ٹی ٹوئنٹی سیریز کے پلیئر آف دی سیریز ایوارڈز ہیں۔ یہ ٹیسٹ کرکٹ میں بابر اعظم کا پہلا پلیئر آف دی سیریز ایوارڈ بھی ہے۔
بابر اعظم نے بطور ٹیسٹ کپتان صرف اپنے 12ویں میچ میں بیرون ملک نویں کامیابی حاصل کرتے ہوئے آسٹریلیا کے سابق کپتان اسٹیو وا کا ریکارڈ بھی توڑ دیا۔ یوں وہ کم از کم 12 ٹیسٹ میچوں کی قیادت کرنے والے کپتانوں میں بہترین بیرون ملک کامیابیوں کا تناسب رکھنے والے کپتان بن گئے۔
یہ بھی پڑھیں:محمد عباس کو ڈراپ کرنے کی وجہ انجری نہیں، پورٹ آف اسپین کی کنڈیشنز تھیں، بابر اعظم
پاکستان نے پہلے ٹیسٹ میں شکست کے بعد شاندار انداز میں واپسی کرتے ہوئے دوسرا ٹیسٹ جیتا۔ فتح میں عبداللہ شفیق اور ساجد خان نے نمایاں کردار ادا کیا۔
عبداللہ شفیق نے پہلی اننگز میں شاندار 160 رنز بنا کر پاکستان کو 43 رنز کی برتری دلائی، جبکہ ساجد خان نے میچ میں مجموعی طور پر 8 وکٹیں حاصل کرکے ویسٹ انڈیز کی بیٹنگ لائن کو تہس نہس کر دیا۔ بابر اعظم کی قیادت میں پاکستان نے اس کامیابی کے ساتھ سیریز 1-1 سے برابر کر دی۔
