چین کے جنوب سے شمال کی جانب پانی منتقل کرنے والے دنیا کے سب سے بڑے منصوبے کے درمیانی راستے نے اہم سنگ میل عبور کرلیا۔ منصوبے کے ذریعے اب تک 80 ارب مکعب میٹر سے زائد پانی شمالی علاقوں کو منتقل کیا جاچکا ہے، جس سے 27 شہروں کے تقریباً 11 کروڑ 80 لاکھ افراد مستفید ہوئے ہیں۔
چینی خبر رساں ادارے شنہوا کے مطابق منصوبے کے درمیانی راستے نے جمعہ تک 80 ارب مکعب میٹر سے زیادہ پانی منتقل کیا۔ یہ منصوبہ چین کے نسبتاً پانی سے مالا مال جنوبی علاقوں سے طویل فاصلے تک پانی شمالی علاقوں تک پہنچاتا ہے، جہاں ماضی میں لاکھوں افراد کو پانی کی شدید قلت کا سامنا تھا۔
Xiongdu Dam began pre-releasing water🌊 on August 5 to prepare for possible heavy rainfall🌧️. The initial flow is 30 cubic meters per second. Total discharge will reach 1 million cubic meters. This lowers the water level below the flood-control limit and frees up storage capacity… pic.twitter.com/3DWkgvKSj3
— Gorgeous Yichang (@GorgeousYichang) August 7, 2026
چائنا ساؤتھ ٹو نارتھ واٹر ڈائیورژن کارپوریشن کے مطابق تقریباً 12 سال سے جاری اس منصوبے نے ملک میں پانی کے وسائل میں توازن بہتر بنانے، پینے کے پانی کی فراہمی یقینی بنانے، آبی ماحول کی بحالی اور قومی آبی تحفظ کو مضبوط بنانے میں اہم کردار ادا کیا ہے۔
منصوبے سے دارالحکومت بیجنگ کو خاص طور پر نمایاں فائدہ پہنچا ہے، جہاں جنوبی علاقوں سے منتقل کیا جانے والا پانی اب شہر کی مجموعی شہری پانی کی فراہمی کا تقریباً 80 فیصد بنتا ہے۔ پڑوسی صوبے ہیبئی میں بھی پانی حاصل کرنے والے علاقوں کی مجموعی آبادی صوبے کی کل آبادی کا تقریباً 70 فیصد ہے۔
یہ بھی پڑھیں:اسمارٹ آلات اور جدید مینوفیکچرنگ سے چین کی مشینری صنعت میں نمایاں ترقی
حکام کے مطابق منصوبے کے درمیانی راستے سے فراہم کیے جانے والے پانی کا معیار مسلسل دوسرے درجے یا اس سے بہتر رہا ہے۔ اس کے نتیجے میں زیرِ زمین پانی کی سطح میں طویل عرصے سے جاری کمی کا عمل بھی رک گیا جبکہ شمالی چین کے دریاؤں اور جھیلوں کے ماحولیاتی نظام میں بہتری آئی ہے۔
یہ منصوبہ خشک سالی سے نمٹنے، آبپاشی اور غذائی تحفظ کے لیے بھی اہم آبی مدد فراہم کر رہا ہے، جبکہ اس سے شہروں کی توسیع اور صنعتی سرگرمیوں کی بہتر منصوبہ بندی کے لیے بھی اضافی گنجائش پیدا ہوئی ہے۔
The middle route of China's South-to-North Water Diversion Project has delivered more than 80 billion cubic meters of water as of Friday, benefiting nearly 118 million residents in 27 cities, the project operator announced.
The mega water transfer project, the largest of its… pic.twitter.com/8zDYR4Qwj3
— People's Daily, China (@PDChina) August 8, 2026
جنوب سے شمال پانی منتقلی کا یہ وسیع منصوبہ 3 راستوں پر مشتمل ہے اور چین کے چار بڑے دریائی نظاموں، دریائے یانگ زی، ہوئی، زرد دریا اور ہائی دریا کے علاقوں سے گزرتا ہے۔
منصوبے کا درمیانی راستہ ہوبئی صوبے میں واقع ڈان جیانگ کو ذخیرۂ آب سے کششِ ثقل کے ذریعے پانی منتقل کرتا ہے، جو ہینان، ہیبئی، بیجنگ اور تیانجن سمیت شمالی علاقوں تک پہنچتا ہے۔ اس کے برعکس مشرقی راستے میں قدیم نہروں کے نظام کو استعمال کرتے ہوئے 13 پمپنگ اسٹیشنوں کی مدد سے پانی بلند کیا جاتا ہے۔
