نائب وزیراعظم و وزیر خارجہ سینیٹر محمد اسحاق ڈار نے مارچ 2027 میں پاکستان میں ہونے والے 14ویں جنوبی ایشیائی کھیلوں کی تیاریوں کا جائزہ لینے کے لیے اجلاس کی صدارت کی۔
اجلاس میں کھیلوں کی تیاریوں کے مختلف پہلوؤں کا جائزہ لیا گیا۔ اسحاق ڈار نے کھیلوں کے اہم امور کی نگرانی کے لیے ذیلی کمیٹیاں قائم کرنے کی ہدایت کردی۔
مزید پڑھیں:بھارتی ہٹ دھرمی برقرار، بی سی سی آئی کا ایشیا کپ نہ کھیلنے کا فیصلہ
ذیلی کمیٹیاں مالیاتی امور، کھیلوں کے بنیادی ڈھانچے کی تعمیر و اپ گریڈیشن، کھلاڑیوں کی تربیت و تیاری اور انتظامی و لاجسٹک امور کی نگرانی کریں گی۔
نائب وزیراعظم نے بروقت منصوبہ بندی اور تمام متعلقہ اداروں کے درمیان قریبی رابطے کی ضرورت پر زور دیتے ہوئے کہا کہ پاکستان کو جنوبی ایشیائی کھیلوں کی میزبانی اعلیٰ ترین معیار کے مطابق کرنی چاہیے۔
Deputy Prime Minister/Foreign Minister Senator Mohammad Ishaq Dar @MIshaqDar50 chaired a meeting to review preparations for the 14th South Asian Games, which Pakistan will host in March 2027.@iamabidmalik pic.twitter.com/dr5D1eIE5P
— Media Talk (@mediatalk922) August 11, 2026
انہوں نے کہا کہ 14ویں جنوبی ایشیائی کھیل پاکستان کے لیے اپنے کھیلوں کے ٹیلنٹ، مہمان نوازی اور انتظامی صلاحیتوں کو دنیا کے سامنے پیش کرنے کا اہم موقع ہیں۔
مزید پڑھیں:اذلان شاہ ہاکی ٹورنامنٹ میں پاکستان کی مسلسل دوسری کامیابی، جنوبی کوریا کو 0-4 سے شکست دیدی
اسحاق ڈار نے کہا کہ کھیلوں کے ذریعے دنیا کو امن، دوستی، خیرسگالی اور ہم آہنگی کا پیغام بھی دیا جاسکتا ہے۔
اجلاس میں وزیراعظم کے معاون خصوصی طارق باجوہ، پاکستان اولمپک ایسوسی ایشن کے صدر عارف سعید، سیکریٹری بین الصوبائی رابطہ، ڈائریکٹر جنرل پاکستان اسپورٹس بورڈ، وزارت خزانہ کے حکام جبکہ پنجاب اور خیبر پختونخوا حکومتوں کے نمائندوں نے شرکت کی۔
