پاکستان مسلم لیگ ق کے سربراہ چوہدری شجاعت نے پرویز الٰہی سے جیل میں ملاقات کی ہے۔
جیل ذرائع کے مطابق پرویز الٰہی کی چوہدری شجاعت سے ملاقات روٹین کے مطابق کروائی گئی۔ دونوں کے درمیان ملاقات آدھے گھنٹے تک جاری رہی۔
مزید پڑھیں
جیل حکام نے بتایا ہے کہ پرویز الٰہی خیریت سے ہیں۔ چوہدری شجاعت ان سے ملاقات کر کے واپس روانہ ہو گئے۔
واضح رہے کہ چوہدری پرویز الٰہی پنجاب اسمبلی میں غیر قانونی بھرتیوں کے کیس میں اس وقت جوڈیشل ریمانڈ پر جیل میں ہیں۔
چوہدری پرویز الٰہی اور چوہدری شجاعت کی سیاسی راہیں اس وقت جدا ہوئی تھیں جب پنجاب اسمبلی میں عثمان بزدار کے خلاف تحریک عدم اعتماد پیش ہوئی تھی۔
پرویز الٰہی کو پی ڈی ایم کی جانب سے وزارت اعلیٰ کا امیدوار نامزد کیا گیا تھا۔ سارے معاملات طے ہونے کے باوجود پرویز الٰہی عمران خان کے ساتھ مل گئے تھے اور تحریک انصاف کے امیدوار بن کر سامنے آئے۔
