ریاض ایئر نے پاکستان میں اپنے فضائی آپریشنز کا آغاز کردیا، جس کے تحت ریاض ایئر کی پہلی پرواز RX 660 ریاض سے اسلام آباد پہنچ گئی۔
پاکستان ایئرپورٹس اتھارٹی (پی اے اے) کے مطابق ریاض ایئر کی افتتاحی پرواز 69 مسافروں کے ساتھ اسلام آباد پہنچی، جہاں اسلام آباد ایئرپورٹ پر ریاض ایئر کی آمد کے موقع پر طیارے کو واٹر سیلوٹ پیش کیا گیا۔
ریاض اور اسلام آباد کے درمیان ہفتہ وار 7 پروازیں
پی اے اے کے مطابق ریاض ایئر ریاض اور اسلام آباد کے درمیان ہفتہ وار 7 پروازیں چلائے گی۔
Arrived in Pakistan 🇵🇰
Riyadh Air’s first flight from Riyadh arrived at Islamabad International Airport yesterday, marking the start of its flights to Pakistan and further strengthening air connectivity between the two countries.
The arrival was welcomed in the presence of the… pic.twitter.com/WVj0AavK4R
— SAIF NASSER (@Saif_KSU) August 15, 2026
ریاض ایئر کی افتتاحی تقریب میں سعودی سفیر نواف بن سعید المالکی نے شرکت کی۔
پاک سعودی فضائی تعاون میں اہم سنگ میل
ڈی جی پاکستان ایئرپورٹس اتھارٹی ایئر وائس مارشل ذیشان سعید نے ریاض ایئر کی افتتاحی تقریب سے خطاب کیا۔
ڈی جی پی اے اے نے کہا کہ ریاض ایئر کی آمد سے پاکستان اور سعودی عرب کے درمیان فضائی رابطوں میں مزید اضافہ ہوگا، جبکہ ریاض ایئر کا پاکستان میں فضائی آپریشنز کا آغاز پاک سعودی فضائی تعاون میں ایک اہم سنگ میل ہے۔
بعد ازاں ریاض ایئر کی افتتاحی پرواز 272 مسافروں کے ساتھ اسلام آباد سے روانہ ہوگئی۔
