یومِ آزادی کی تقریب میں اعلیٰ سرکاری افسران کی گھوڑا گاڑی میں آمد پر عوامی اور صحافتی حلقوں نے شدید تنقید کرتے ہوئے سوال اٹھایا ہے کہ ایک ایسے ملک میں جہاں عوام مہنگائی، غربت اور معاشی مشکلات کا سامنا کر رہے ہوں، وہاں سرکاری عہدیداروں کا شاہانہ انداز کیا پیغام دیتا ہے۔
سوشل میڈیا پر سامنے آنے والے ردعمل میں کہا گیا کہ برطانیہ جیسے ترقی یافتہ ملک میں بھی لندن کے پولیس کمشنر یا کسی اعلیٰ سرکاری افسر کو شاہی بگھی میں گھومتے نہیں دیکھا جاتا، جبکہ پاکستان جیسے قرضوں میں جکڑے ملک میں ایسے مظاہر ترقی کی راہ میں موجود ذہنی رکاوٹوں کی عکاسی کرتے ہیں۔
Have you ever seen London’s Police Commissioner or any senior civil servant riding around in a royal buggy? When this is the mindset in a country deep in debt, where millions are struggling with poverty, how can we ever expect the country to progress? pic.twitter.com/YO5CBrfhAZ
— Ihtisham Ul Haq (@iihtishamm) August 15, 2026
صحافی احتشام الحق نے سوال اٹھایا کہ کیا لندن کا پولیس کمشنر یا کوئی اعلیٰ سرکاری افسر شاہی بگھی میں گھومتا ہے؟ ان کا کہنا تھا کہ جب ملک گہرے قرضوں میں ڈوبا ہو اور لاکھوں افراد غربت کا شکار ہوں تو ایسے طرزِ فکر کے ساتھ ملک کی ترقی کی توقع کیسے کی جاسکتی ہے؟
اسی معاملے پر صحافی فرزانہ علی نے بھی تنقید کرتے ہوئے کہا کہ کیا یہ اسی ملک کے مناظر ہیں جہاں یہ کہہ کر غریب عوام پر روز نیا بوجھ ڈال دیا جاتا ہے کہ ملک مشکل حالات سے گزر رہا ہے؟
سوشل میڈیا صارفین نے بھی سرکاری تقریب کے اس انداز کو تنقید کا نشانہ بنایا اور اسے عوام اور حکمران طبقے کے درمیان بڑھتے ہوئے فاصلے کی علامت قرار دیا۔ دوسری جانب وفاقی وزیر داخلہ محسن نقوی نے وضاحت کی تھی کہ افسران کو تقریب شروع کرنے کی ہدایت دی گئی تھی کیونکہ صدر اور وزیراعظم کی ملاقات کے باعث تقریب کے مہمانوں کی آمد میں تاخیر ہوئی تھی۔
یہ بھی پڑھیں:توہین عدالت: اسلام آباد ہائیکورٹ نے ڈی سی اسلام آباد کو بیرون ملک جانے سے روک دیا
یہ ویڈیو یومِ آزادی کے موقع پر اسلام آباد میں منعقدہ تقریب کی ہے، جس میں کیپیٹل ڈویلپمنٹ اتھارٹی (سی ڈی اے) کے چیئرمین اور اسلام آباد کے انسپکٹر جنرل پولیس گھوڑا گاڑی میں تقریب کے مقام پر پہنچے۔ اس منظر پر سوشل میڈیا پر بحث شروع ہوگئی اور بعض صارفین نے اسے نوآبادیاتی دور کے شاہانہ انداز سے تشبیہ دی۔
