انٹرنیشنل ہاکی فیڈریشن (ایف آئی ایچ) ورلڈ کپ میں پاکستان نے مایوس کن انداز میں اپنی مہم کا آغاز کیا، جہاں اسے پہلے میچ میں انگلینڈ کے ہاتھوں 1-4 سے شکست کا سامنا کرنا پڑا۔
ایمسٹرڈیم میں کھیلے گئے مقابلے میں انگلینڈ نے ابتدائی لمحات ہی سے جارحانہ کھیل پیش کیا اور پاکستان کو دباؤ میں رکھا۔ انگلش ٹیم نے میچ کے چاروں کوارٹرز میں گول کرکے اپنی برتری برقرار رکھی۔
پاکستان کی جانب سے واحد گول آخری کوارٹر میں افراز نے اسکور کیا، تاہم قومی ٹیم اس کے بعد خسارہ کم کرنے میں کامیاب نہ ہوسکی اور مقابلہ انگلینڈ نے 1-4 سے اپنے نام کرلیا۔
پاکستان 4 مرتبہ عالمی چیمپیئن رہ چکا ہے اور 8 سال کے وقفے کے بعد ورلڈ کپ میں شریک ہے۔ موجودہ ایونٹ میں جرمنی اپنے عالمی اعزاز کا دفاع کر رہا ہے۔
پاکستان کو ورلڈ کپ کے گروپ ڈی میں رکھا گیا ہے، جہاں اس کے دیگر حریفوں میں روایتی حریف بھارت کے علاوہ ویلز بھی شامل ہے۔
