پاکستان، سعودی عرب اور ترکیہ  کا ’مکہ دفاعی معاہدہ‘ بڑا، جرات مندانہ اور پہلا اہم قدم ہے: ٹرمپ

امریکی صدر ڈونلڈ ٹرمپ نے سعودی عرب، پاکستان اور ترکیہ کے درمیان مکہ مشترکہ دفاعی معاہدے کا خیرمقدم کرتے ہوئے اسے مشرق وسطیٰ کے ممالک کے باہمی اتحاد اور اپنے دفاع کی صلاحیت مضبوط بنانے کی جانب ’بڑا، جرات مندانہ اور اہم پہلا قدم ‘ قرار دیا ہے۔ ٹرمپ نے تینوں ممالک کی قیادت کو مبارکباد بھی پیش کی۔

ٹرمپ نے سماجی رابطے کے اپنے پلیٹ فارم ’ٹروتھ سوشل‘ پر جاری بیان میں کہا کہ انہیں یہ دیکھ کر ’ بہت خوشی ‘ ہوئی ہے کہ سعودی عرب، ترکیہ اور پاکستان نے بالآخر مکہ مشترکہ دفاعی معاہدے پر دستخط کر دیے ہیں۔

Very happy to see that Saudi Arabia, Turkey, and Pakistan have recently, and finally, signed the Mecca Joint Defence Agreement. It shows how the Middle East is coming together, and how Countries will finally be able to defend themselves in a more meaningful way. Congratulations… pic.twitter.com/CrBARNWQfa

— Commentary Donald J. Trump Truth Social Posts On X (@TrumpTruthOnX) August 16, 2026

امریکی صدر کے بقول ’یہ معاہدہ اس بات کا مظہر ہے کہ مشرق وسطیٰ کے ممالک آپس میں متحد ہو رہے ہیں اور اب وہ زیادہ مؤثر اور بامعنی انداز میں اپنا دفاع کر سکیں گے۔‘

ٹرمپ نے سعودی عرب، ترکیہ اور پاکستان کی قیادت کو مبارکباد دیتے ہوئے کہا کہ یہ معاہدہ ’ بڑا، جرات مندانہ اور انتہائی اہم پہلا قدم ‘ ہے۔

انہوں نے اپنے بیان کے اختتام پر پرجوش انداز میں لکھا: ’ واہ!‘