امریکی اداکارہ ہیڈن پنیٹیئر کے اچانک انتقال کے بعد ان کا ایک آخری انٹرویو دوبارہ منظرِ عام پر آیا ہے، جس میں انہوں نے زچگی کے دوران پیش آنے والے مشکل حالات اور اپنی زندگی کے نشیب و فراز کے بارے میں بات کی تھی۔ ہیروز میں کلیئر بینیٹ کا کردار ادا کرنے والی اداکارہ 16 اگست 2026 کو 36 برس کی عمر میں انتقال کرگئیں، جبکہ ان کی 37ویں سالگرہ 21 اگست کو تھی۔
یہ بھی پڑھیے ہالی ووڈ اداکارہ ہیڈن پنیٹیئر کو قتل کیا گیا؟
والدین سے متعلق ویب سائٹ مومے کو دیے گئے اپنے آخری انٹرویوز میں سے ایک میں ہیڈن نے اپنی 11 سالہ بیٹی کایا کی پرورش اور ماں بننے کے بعد درپیش مشکلات کا ذکر کیا۔ انہوں نے کہا کہ وہ اپنی کیفیت یا تجربات سے قطع نظر بیٹی کو ہمیشہ ترجیح دینے کی کوشش کرتی رہی ہیں اور امید کرتی ہیں کہ ایک دن کایا ان کی زندگی کی کہانی اور یہ بات سمجھ سکے گی کہ وہ ہر وقت اس کے ساتھ کیوں نہیں رہ پاتی تھیں۔
اداکارہ نے اپنی زندگی کے بارے میں کہا کہ وہ اب بھی خود کو بہتر بنانے کے عمل میں ہیں اور ہر شخص اسی طرح مسلسل سیکھتا اور آگے بڑھتا ہے۔ ان کے بقول وہ ہر دن کو اسی کے مطابق گزارنے، اپنی زندگی پر کام کرنے اور اپنی پوری کوشش کرنے کی کوشش کرتی ہیں۔
یہ بھی پڑھیے ہالی ووڈ کی معروف اداکارہ ہیڈن پنیٹیئر 36 برس کی عمر میں انتقال کرگئیں
ہیڈن پنیٹیئر نے دیگر ماؤں کے لیے ایک حوصلہ افزا پیغام دیتے ہوئے کہا کہ وہ اپنی طاقت کا اندازہ نہیں کرتیں اور یقین دلایا کہ وہ حالات سے نمٹنے میں کامیاب ہوں گی۔ اداکارہ کی اکلوتی بیٹی کایا ان کے سابق منگیتر اور سابق عالمی ہیوی ویٹ باکسنگ چیمپیئن ولادیمیر کلِچکو سے ہے۔
