وفاقی حکومت نے پیٹرول اور ڈیزل کی قیمتوں میں اضافہ کرتے ہوئے 18 اگست کے لیے نئی قیمتوں کا اعلان کردیا۔
پیٹرولیم ڈویژن سے جاری نوٹیفکیشن کے مطابق پیٹرول 5 روپے 77 پیسے فی لیٹر مہنگا ہوا ہے، جبکہ ہائی اسپیڈ ڈیزل کی قیمت میں 6 روپے 47 پیسے اضافہ کیا گیا ہے۔
نوٹیفکیشن کے مطابق قیمتوں میں اضافے کے بعد پیٹرول کی نئی قیمت 331 روپے 20 پیسے ہوگئی ہے، جبکہ ہائی اسپیڈ ڈیزل 390 روپے 42 پیسے میں دستیاب ہوگا۔
واضح رہے کہ مشرق وسطیٰ میں جاری صورت حال کے پیش نظر حکومت کی جانب سے پیٹرولیم مصنوعات کی قیمتوں کا روزانہ کی بنیاد پر تعین کیا جاتا ہے، تاہم ہفتہ اور اتوار کو قیمتیں برقرار رہتی ہیں۔
