وفاقی حکومت نے پیٹرولیم مصنوعات کی قیمتوں میں ایک بار پھر اضافہ کردیا ہے، پیٹرول کی قیمت میں 3 روپے 34 پیسے جبکہ ہائی اسپیڈ ڈیزل کی قیمت میں 5 روپے 27 پیسے فی لیٹر اضافہ کیا گیا ہے۔
یہ بھی پڑھیں: پیٹرولیم لیوی اور مہنگائی کے خلاف جماعت اسلامی کا دھرنا تیسرے روز میں داخل
وزارت توانائی کے پیٹرولیم ڈویژن کی جانب سے جاری اعلامیے کے مطابق آئل اینڈ گیس ریگولیٹری اتھارٹی نے نظرثانی شدہ قیمتوں کے طریقہ کار کے تحت 19 اگست 2026 سے پیٹرولیم مصنوعات کی نئی ایکس ڈپو قیمتیں مقرر کردی ہیں۔
اعلامیے کے مطابق پیٹرول کی نئی قیمت 334 روپے 54 پیسے فی لیٹر مقرر کی گئی ہے، جبکہ ہائی اسپیڈ ڈیزل کی قیمت بڑھا کر 395 روپے 69 پیسے فی لیٹر کردی گئی ہے۔
یہ بھی پڑھیں: پیٹرول اور ڈیزل مہنگا، حکومت نے 18 اگست کے لیے نئی قیمتوں کا اعلان کردیا
اس سے قبل 18 اگست کو پیٹرول کی قیمت 331 روپے 20 پیسے فی لیٹر تھی، جس میں 3 روپے 34 پیسے کا اضافہ کیا گیا۔ اسی طرح ہائی اسپیڈ ڈیزل کی گزشتہ قیمت 390 روپے 42 پیسے فی لیٹر تھی، جس میں 5 روپے 27 پیسے کا اضافہ ہوا۔
نئی قیمتوں کا اطلاق 19 اگست 2026 کے لیے ہوگا۔
