فیصل آباد میں گزشتہ رات چک 250 ر ب کے قریب خانہ بدوشوں کی جھگیوں پر مسلح افراد نے فائرنگ کی جس کے نتیجے میں 50 سالہ زبیدہ، 30 سالہ عاصمہ بی بی اور اس کی 8 سالہ بیٹی مسکان جاں بحق جبکہ دوسری 3 سالہ بیٹی زخمی ہوگئی۔
مزید پڑھیں:موسلادھار بارشوں کا الرٹ، فلیش فلڈ اور لینڈ سلائیڈنگ کا خدشہ، فیصل آباد میں 2 بچے جاں بحق
فیصل آباد:تھانہ ایئرپورٹ کی حدود چک نمبر 250 رب، عباس پور روڈ پر رہائش پذیر خانہ بدوشوں کی جھگیوں پر مخالفین نے دھاوا بول دیا اور اندھادھند فائرنگ کردی، جس کے نتیجہ میں 55 سالہ زبیدہ بی بی، 35 سالہ آسمہ اور 8 سالہ مسکان موقع پر ہی جاں بحق جبکہ 3 سالہ زینب منہ میں گولی لگنے سے… pic.twitter.com/6q4UXVatmw
— Mian Muhammad Zeeshan (@Mm_Zeeshan786) August 20, 2026
پولیس کا کہنا ہے کہ مذکورہ واقعہ پرانی رنجش کا شاخسانہ ہے، ملزمان کو شبہ تھا کہ قصور کے علاقے میں ہونے والے پولیس مقابلے میں ایک شخص کی ہلاکت کی مخبری مقتولین نے کی تھی جس پر مسلح افراد نے خانہ بدوشوں کی جھگیوں پر دھاوا بول دیا۔
مزید پڑھیں:فیصل آباد میڈیکل طالبہ کیس: 2 الگ ٹرائلز کو یکجا کرنے کی درخواست مسترد
پولیس کے مطابق ملزمان کی تلاش اور تفتیش کا عمل جاری ہے، ملزمان قانون کی گرفت سے نہیں بچ سکیں گے۔
