محکمہ موسمیات نے 30 اور 31 جولائی کے دوران ملک کے بالائی اور وسطی علاقوں میں موسلادھار بارشوں کا الرٹ جاری کرتے ہوئے شہری سیلاب، لینڈ سلائیڈنگ اور فلیش فلڈ کے خطرات سے خبردار کیا ہے۔
محکمہ موسمیات کے مطابق اسلام آباد، راولپنڈی، پوٹھوہار، پشاور، نوشہرہ، گوجرانوالہ، گجرات، سیالکوٹ، لاہور اور فیصل آباد کے نشیبی علاقوں میں اربن فلڈنگ کا خدشہ ہے، جبکہ بالائی خیبرپختونخوا، مری، گلیات اور آزاد کشمیر کے حساس مقامات پر لینڈ سلائیڈنگ ہو سکتی ہے۔
مزید پڑھیں:بارشوں کا نیا سلسلہ، پنجاب اور سندھ کے متعدد اضلاع کے لیے موسلادھار بارش کا انتباہ
کشمیر، پوٹھوہار، شمال مشرقی پنجاب، خیبرپختونخوا، ڈیرہ غازی خان کے پہاڑی نالوں اور شمال مشرقی بلوچستان میں فلیش فلڈ کا بھی امکان ظاہر کیا گیا ہے۔
محکمہ موسمیات نے خبردار کیا ہے کہ تیز بارش، آندھی اور آسمانی بجلی کے باعث کمزور عمارتوں، سولر پینلز، بجلی کے کھمبوں اور بل بورڈز کو نقصان پہنچ سکتا ہے۔
🇵🇰 Pakistan residents flee after heavy monsoon rains inundate villages
Flooding from heavy monsoon rains inundated villages in eastern Pakistan, pushing residents to flee their homes by boat over fields turned into vast swathes of water. pic.twitter.com/6PqeyCD6do
— AFP News Agency (@AFP) July 29, 2026
آج اسلام آباد، راولپنڈی، مری، گلیات، لاہور، فیصل آباد، گوجرانوالہ، گجرات، سیالکوٹ، جہلم، اٹک، چکوال سمیت پنجاب کے بیشتر اضلاع، خیبرپختونخوا، شمال مشرقی بلوچستان اور آزاد کشمیر میں گرج چمک کے ساتھ بارش جبکہ بعض مقامات پر موسلادھار بارش کی پیش گوئی کی گئی ہے۔ سندھ اور جنوبی بلوچستان میں موسم زیادہ تر گرم اور مرطوب رہنے کا امکان ہے۔
گزشتہ 24 گھنٹوں کے دوران مظفرآباد میں 98 ملی میٹر، گوجرانوالہ میں 94، سیالکوٹ شہر میں 74، مری میں 74، جہلم میں 64، گجرات میں 55 اور اسلام آباد و راولپنڈی کے مختلف علاقوں میں بھی نمایاں بارش ریکارڈ کی گئی۔
مزید پڑھیں:آزاد کشمیر میں کلاؤ برسٹ، موسلادھار بارش سے ندی نالوں میں طغیانی، 6 افراد جاں بحق
فیصل آباد: مکان کی چھت گرنے سے 2 بچے جاں بحق، 2 افراد زخمی
دوسری جانب لاہور، فیصل آباد، گوجرانوالہ، سیالکوٹ اور گجرات سمیت پنجاب کے مختلف علاقوں میں بارش ہوئی، جبکہ فیصل آباد میں بارش کے دوران مکان کی چھت گرنے سے 2 بچے جاں بحق اور 2 افراد زخمی ہوگئے۔
