قراقرم کے اسپانٹک پہاڑ پر جاں بحق ہونے والی ڈاکٹر اسما مشتاق کی لاش کیمپ تھری سے بیس کیمپ منتقل کرنے کا ریسکیو آپریشن شدید موسم کے باعث مؤخر کردیا گیا۔
وفاقی وزیر اطلاعات عطا تارڑ نے سماجی رابطے کی ویب سائٹ ایکس پر جاری بیان میں بتایا کہ لاش کی منتقلی کے لیے ہائی آلٹیٹیوڈ پورٹرز کو کیمپ تھری پہنچ کر لاش بیس کیمپ تک لانی تھی، تاہم شدید برفباری اور تیز ہواؤں کے باعث ریسکیو ٹیم کیمپ تھری کے قریب پہنچنے کے بعد واپس کیمپ ٹو لوٹ آئی۔
Update on retrieval of Dr Asma's body from Spantik Mountain in the Karakoram range:
High Altitude Porters were expected to reach Camp-3 for retrieval of the body of Dr.Asma and bring it down to base camp by tomorrow.
The rescue team reached almost near Camp 3, but due to… https://t.co/ptpuCOcFQp
— Attaullah Tarar (@TararAttaullah) August 23, 2026
عطا تارڑ کے مطابق ڈاکٹر اسما مشتاق کی لاش کی واپسی کے لیے ہیلی کاپٹر کی اجازت دے دی گئی ہے، جبکہ گلگت بلتستان حکومت اور ایف سی این اے کے درمیان بھی رابطہ اور ضروری انتظامات مکمل کرلیے گئے ہیں۔
انہوں نے بتایا کہ لاش کی منتقلی کے لیے متبادل انتظامات بھی موجود ہیں اور موجودہ موسمی حالات میں جو کچھ ممکن ہوا، وہ کیا جائے گا۔
یہ بھی پڑھیں:گلگت بلتستان: سپانٹک چوٹی سر کرنے کے بعد جاں بحق ہونے والی خاتون کوہ پیما اسما مشتاق کون تھیں؟
وفاقی وزیر اطلاعات کے مطابق وزیراعظم شہباز شریف کو ریسکیو آپریشن اور تازہ صورت حال سے مسلسل آگاہ رکھا جا رہا ہے۔
