وزیر اعظم شہباز شریف نے سابق چیئرمین پی سی بی ذکاءاشرف اور سپریم کورٹ کے وکیل مصطفٰی رمدے کو پاکستان کرکٹ بورڈ کے بورڈ آف گورنرز کا رکن نامز د کر دیا ہے۔
تفصیلات کے مطابق وزیراعظم شہبازشریف نے پی سی بی کے آئین 2014ء کے آرٹیکل 10(1)(d) کے تحت پاکستان کرکٹ بورڈ آف گورنرز کے نئے ممبرز کی منظوری دیدی ہے۔ ان ارکان کی شمولیت سے پی سی بی کا دس رکنی بورڈ مکمل ہو جائےگا۔
وزیراعظم نے سمری منظوری کے بعد وزارت بین الصوبائی رابطہ کو بھجوا دی ہے ،وفاقی وزیر احسان مزاری کے نامزد کردہ سابق چیئرمین پی سی بی ذکاء اشرف کا نام تجویز کر دیا گیا ہے، وزیراعظم کی دو نامزدگیاں بین الصوبائی رابطہ کمیٹی کے ذریعے پی سی بی کو ارسال ہوں گی۔
