منگل کے روز انٹربینک اور اوپن مارکیٹ میں پاکستانی روپے نے امریکی ڈالر کے مقابلے میں اپنی معمولی برتری کو برقرار رکھا جبکہ عالمی سطح پر خام تیل کی قیمتوں میں اضافہ اور امریکی ڈالر کی قدر میں سستی دیکھی گئی۔
یہ بھی پڑھیں: خراماں خراماں: روپے کی قدر مسلسل مضبوطی کی سمت گامزن، جانیے یہ سلسلہ کب سے جاری ہے؟
انٹربینک میں پاکستانی روپیہ ایک پیسے کے معمولی اضافے کے بعد 277.46 روپے پر بند ہوا جبکہ گزشتہ روز (پیر کو) ڈالر 277.47 روپے پر بند ہوا تھا۔ منگل کو انٹربینک میں ڈالر کی خرید(بِڈ) 277.46 روپے اور فروخت (آفر) 277.66 روپے رہی۔
اوپن مارکیٹ میں روپیہ خرید کے لحاظ سے 2 پیسے اور فروخت کے لحاظ سے 3 پیسے مضبوط ہوا جس کے بعد ڈالر بالترتیب 278.33 روپے اور 279.18 روپے پر بند ہوا۔
روپے کے مقابلے یورو خرید میں 16 پیسے اور فروخت میں 17 پیسے مہنگا ہو کر بالترتیب 321.57 روپے اور 324.55 روپے کا ہو گیا۔
مزید پڑھیے: پاکستان میں ڈالر بینچ مارک یورو بانڈ کے اجرا کا آغاز
اماراتی درہم خرید کے لحاظ سے ایک پیسہ سستا ہو کر 75.65 روپے کا ہوا جبکہ فروخت کی قیمت 76.29 روپے پر مستحکم رہی۔
امریکی ڈالر اور دیگر کرنسیاں
فیڈرل ریزرو کے چیئرمین کی جانب سے ستمبر میں شرح سود میں اضافے کے اشارے کے بعد ڈالر انڈیکس معمولی کمی کے ساتھ 99.37 پر آ گیا۔ جاپانی ین 160 فی ڈالر کی سطح کے قریب مستحکم رہا۔ یورو معمولی اضافے کے ساتھ 1.1623 ڈالر اور برطانوی پاؤنڈ 1.35575 ڈالر پر ٹریڈ ہوا۔
عالمی مارکیٹ میں خام تیل کی قیمتوں میں اضافہ
Interbank closing #ExchangeRate for todayhttps://t.co/38vQoIz3qu#sbpexchangerate pic.twitter.com/MxcBddsmWp
— SBP (@StateBank_Pak) September 1, 2026
امریکا اور ایران کے درمیان تناؤ کے باعث مشرق وسطیٰ سے سپلائی متاثر ہونے کے خدشات پر منگل کے روز خام تیل کی قیمتوں میں تقریباً 2 فیصد کا اضافہ دیکھا گیا۔
برینٹ کروڈ: 1.72 ڈالر (1.9 فیصد) کے اضافے کے بعد 92.21 ڈالر فی بیرل پر پہنچ گیا۔
مزید پڑھیں: امریکی ڈالر کے مقابلے میں پاکستانی روپے کی قدر میں اضافہ
ڈبلیو ٹی آئی: 2.12 ڈالر (2.47 فیصد) کے اضافے کے بعد 87.88 ڈالر فی بیرل ہو گیا۔
