پاکستانی روپے نے جمعے کے روز بھی امریکی ڈالر کے مقابلے میں اپنی معمولی مضبوطی کا رجحان برقرار رکھا۔
یہ بھی پڑھیں: امریکی ڈالر کے مقابلے میں پاکستانی روپیہ مستحکم، جانیے عالمی کرنسی اور خام تیل کی بھی صورتحال
انٹربینک مارکیٹ میں کاروباری روز کے اختتام پر روپیہ 277.50 پر بند ہوا جو گزشتہ روز کے مقابلے میں ڈالر کے مقابلے میں 1 پیسے کا معمولی اضافہ ہے۔
خیال رہے کہ جمعرات کو پاکستانی روپیہ 277.51 فی ڈالر پر بند ہوا تھا۔
عالمی مارکیٹ میں امریکی ڈالر جمعہ کے روز بڑی کرنسیوں کے مقابلے میں ایک ہفتے کی بلند ترین سطح کے قریب مستحکم رہا۔
یورو اور برطانوی پاؤنڈ اسٹرلنگ بھی ڈالر کے مقابلے میں ایک ہفتے کی کم ترین سطح کے قریب دباؤ کا شکار رہے جو بالترتیب 1.1652 اور 1.3597 ڈالر پر ٹریڈ ہوئے، تاہم دونوں کرنسیاں مسلسل دوسرے ماہ کے دوران بہتری کی جانب گامزن ہیں۔
جاپانی ین میں بھی معمولی تبدیلی دیکھی گئی اور یہ 159.34 فی ڈالر پر رہا۔ ین نے مداخلت کی بدولت حاصل ہونے والے کچھ فوائد گنوا دیے تاہم یہ اب بھی ماہانہ بنیاد پر 1.3 فیصد اضافے کی جانب گامزن ہے۔
مزید پڑھیے: آپریشن سندور کے بعد بھارتی روپیہ پاکستانی کرنسی کے مقابلے میں تقریباً 12 فیصد گر گیا
ڈالر انڈیکس جو چھ بڑی کرنسیوں کے مقابلے میں ڈالر کی قدر ناپتا ہے ابتدائی ایشیائی ٹریڈنگ میں معمولی تبدیلی کے ساتھ 99.13 پر رہا۔
دوسری جانب جمعے کے روز عالمی مارکیٹ میں تیل کی قیمتوں میں کمی دیکھی گئی اور یہ مسلسل 2 ہفتوں کے تیزی کے رجحان کے بعد نیچے آنے کی جانب گامزن ہیں۔
برینٹ کروڈ فیوچرز 0035 جی ایم ٹی تک 25 سینٹ یا 0.3 فیصد کمی کے ساتھ 89.45 ڈالر فی بیرل پر رہا۔
ویسٹ ٹیکساس انٹرمیڈیٹ کروڈ فیوچرز میں بھی 22 سینٹ یا 0.3 فیصد کمی دیکھی گئی اور یہ 83.31 ڈالر فی بیرل پر آ گیا۔
دونوں بینچ مارک ہفتہ وار بنیاد پر کمی کی جانب گامزن رہے جہاں برینٹ 5.3 فیصد جبکہ 4.3 فیصد نیچے آیا۔
پاکستانی روپیہ کب سے مسلسل اوپر جا رہا ہے؟
پاکستانی روپے کی قدر میں امریکی ڈالر کے مقابلے میں مسلسل اور تدریجی بہتری کا یہ موجودہ سلسلہ اگست 2026 کے تیسرے ہفتے (24 اگست) سے باقاعدگی سے جاری ہے۔
24 اگست: انٹربینک مارکیٹ میں ڈالر کی قیمت 277.55 روپے ریکارڈ کی گئی۔
25 اگست: روپے کی قدر میں معمولی بہتری آئی اور ڈالر 277.52 روپے پر آ گیا۔
26 اور 27 اگست: روپیہ مزید مضبوط ہوا اور ڈالر گھٹ کر 277.51 روپے پر بند ہوا۔
28 اگست: روپے کی مثبت پیشرفت کا یہ سلسلہ برقرار رہا اور ڈالر میں معمولی کمی کا رجحان دیکھنے کو ملا۔
اگرچہ یہ اضافہ بہت معمولی (چند پیسے کا) ہوتا ہے لیکن 24 اگست سے لے کر اب تک روپیہ مسلسل استحکام اور بہتری کی سمت میں گامزن ہے۔
یاد رہے کہ 20 اور 21 اگست کے درمیان روپے پر معمولی دباؤ دیکھنے میں آیا تھا اور ڈالر معمولی سا بڑھ کر 277.60 روپے کی سطح تک پہنچ گیا تھا۔
اس معمولی اضافے کے بعد اگلی ٹریڈنگ کے دن یعنی 24 اگست سے روپے نے دوبارہ ریکوری شروع کی ڈالر نیچے آنا شروع ہوا اور یہ سلسلہ اب تک قائم ہے۔
مزید پڑھیں: مشرق وسطیٰ کشیدگی، عالمی مارکیٹوں میں ہلچل، بھارتی روپے کی قدر بھی گرگئی
لہٰذا 20-21 اگست کے اس عارضی دباؤ کے ختم ہوتے ہی 24 اگست سے روپیہ مسلسل استحکام اور بہتری دکھا رہا ہے۔
