ترکیہ کے شہر استنبول کے قریب بحیرۂ مرمرہ میں دو ترک پرچم بردار تجارتی بحری جہاز آپس میں ٹکرا گئے، جس کے بعد ایک جہاز اور اس پر سوار 10 رکنی عملے سے رابطہ منقطع ہوگیا۔
استنبول کے گورنر کے دفتر کے مطابق حادثہ بدھ کی علی الصبح تقریباً 3 بجے ضلع سِلیوری کے ساحل سے تقریباً 18 بحری میل دور پیش آیا۔
یہ بھی پڑھیں: ایٹمی پلانٹ بچانے کی انوکھی تدبیر، ہنگری کا ندی میں 2 بڑے بحری جہاز ڈبونے کا فیصلہ
حادثے میں ’السو‘ نامی کیمیکل ٹینکر اور ’تُغبرک امام اوغلو‘ نامی تجارتی جہاز آپس میں ٹکرا گئے۔
حادثے کے فوراً بعد ترک کوسٹ گارڈ کے متعدد بحری جہاز اور ایک ہیلی کاپٹر جائے وقوعہ پر پہنچ گئے اور لاپتا جہاز اور اس کے عملے کی تلاش کے لیے سرچ اینڈ ریسکیو آپریشن شروع کردیا گیا۔
🚨 #BREAKING #TURKIYE #TURKEY #TURQUIA
What happened to second ship ?
🔴 TURKIYE : TWO COMMERCIAL SHIPS COLLIDED IN MARMARA SEA, OFF SİLİVRİ COAST
Contact lost with one of the ships and its 10 crew members.
Initial examinations in the area revealed no visible damage on the…
— LW World News (@LW_WorldNews) September 2, 2026
حکام کے مطابق السو کو بظاہر کوئی نقصان نہیں پہنچا، تاہم تُغبرک امام اوغلو اور اس پر سوار 10 افراد سے رابطہ قائم نہیں ہوسکا۔
لاپتا جہاز ترکی کے بحیرۂ روم میں واقع اسکندرون سے بحیرۂ اسود کی بندرگاہ ایریگلی کی جانب جا رہا تھا، جبکہ دوسرا جہاز کوجالی سے علی آغا کی طرف محو سفر تھا۔
مزید پڑھیں: پرتعیش بحری جہاز کا سیاحتی سفر مہلک ہنٹا وائرس کا شکار ہوکر سانحے میں تبدیل کیسے ہوا؟
حکام کی جانب سے لاپتا عملے کی تلاش جاری ہے۔ ابتدائی اطلاعات کے مطابق لاپتا جہاز کے ممکنہ طور پر ڈوبنے کا خدشہ بھی ظاہر کیا گیا ہے۔
تاہم ریسکیو آپریشن مکمل ہونے تک اس بارے میں حتمی تصدیق نہیں کی گئی۔
