واٹس ایپ نے صارفین کے اکاؤنٹس کو مزید محفوظ بنانے کے لیے نیا سیکیورٹی فیچر متعارف کرا دیا، جس کے تحت صارفین اپنے اکاؤنٹ کے تحفظ کے لیے مضبوط پاس ورڈ سیٹ کرسکیں گے۔
واٹس ایپ نے صارفین کو پیغام کے ذریعے اس نئی سہولت سے آگاہ کرتے ہوئے کہا ہے کہ اکاؤنٹ کی سیکیورٹی مزید مضبوط بنانے کے لیے پاس ورڈ شامل کیا جاسکتا ہے۔ اس کے لیے واٹس ایپ کی سیٹنگز میں جاکر اکاؤنٹ اور پھر پاس ورڈ کے آپشن کا انتخاب کرنا ہوگا۔
Alertas y protección contra hackeos de WhatsApp
Un hackeo de WhatsApp casi siempre empieza con un código de 6 dígitos que te piden compartir.
⚠️ Señales de alerta:
• Recibes un código no solicitado por SMS/notificación.
• Alguien te pide reenviar el código diciendo que llegó… pic.twitter.com/iPHbwQEVhI— Últimas Noticias (@UNoticias) September 19, 2026
میڈیا رپورٹ کے مطابق واٹس ایپ نے اکاؤنٹ سیکیورٹی کے لیے پہلے سے موجود ٹو اسٹیپ ویری فکیشن میں بھی اہم تبدیلی کی ہے۔ کمپنی کے مطابق 6 ہندسوں والے پن کو زیادہ مضبوط پاس ورڈ سے تبدیل کیا جارہا ہے، جس میں حروف، اعداد اور خصوصی علامات شامل کی جاسکتی ہیں، تاکہ اسے اندازہ لگانا مشکل ہو۔
واٹس ایپ کے مطابق پاس ورڈ اکاؤنٹ تک غیر مجاز رسائی کے خطرے کو کم کرنے کے لیے اضافی حفاظتی تہہ فراہم کرتا ہے، تاہم صرف پاس ورڈ سیٹ کرنے سے ایسے شخص کو اکاؤنٹ سے نہیں نکالا جاسکتا جس نے پہلے ہی اس پر قبضہ کرلیا ہو۔ ایسی صورت میں پہلے اکاؤنٹ کی بحالی ضروری ہے۔
یہ بھی پڑھیں:واٹس ایپ میں پرانے پیغامات تلاش کرنا مزید آسان ہوگیا
کمپنی نے اکاؤنٹ کی حفاظت کے لیے پاس کی کی سہولت بھی مزید بہتر بنائی ہے۔ صارفین پاس کی کے ذریعے فنگر پرنٹ، فیس آئی ڈی یا فون کے اسکرین لاک کی مدد سے واٹس ایپ میں دوبارہ لاگ اِن ہوسکتے ہیں۔ واٹس ایپ کے مطابق ایک ارب سے زائد افراد پہلے ہی پاس کی سیٹ کرچکے ہیں اور اب ایک اکاؤنٹ پر ایک سے زیادہ پاس کی شامل کرنے کی سہولت بھی دی جارہی ہے۔
WhatsApp is making account security much stronger 🔐
– 1 billion+ people now use passkeys
– Passkeys can use fingerprint, Face ID or screen lock
– 2-step verification is upgraded from a 6-digit PIN to a stronger password
– Android users get more context for calls from unknown… pic.twitter.com/xHKAhg8JlR— Abhishek Yadav (@yabhishekhd) August 25, 2026
واٹس ایپ نے رواں سال سیکیورٹی کے لیے ’سخت اکاؤنٹ سیٹنگز‘ کا فیچر بھی متعارف کرایا ہے، جو خاص طور پر ان صارفین کے لیے تیار کیا گیا ہے جنہیں پیچیدہ سائبر حملوں کا زیادہ خطرہ ہوسکتا ہے۔ اس فیچر کے تحت نامعلوم نمبروں سے آنے والی کالز کو خاموش کرنے اور غیر معروف افراد کی جانب سے بھیجی گئی میڈیا فائلز اور اٹیچمنٹس کو خودکار طور پر روکنے جیسے حفاظتی اقدامات کیے جاسکتے ہیں۔
واٹس ایپ صارفین کو یہ بھی مشورہ دیتا ہے کہ وہ اپنا پاس ورڈ، رجسٹریشن کوڈ یا دیگر حساس معلومات کسی کے ساتھ شیئر نہ کریں اور اکاؤنٹ سے منسلک ڈیوائسز کو باقاعدگی سے چیک کرتے رہیں۔
