شیاؤمی نے چین میں اپنے نئے فلیگ شپ اسمارٹ فونز 18 پرو اور 18 پرو میکس باضابطہ طور پر متعارف کرا دیے ہیں، دونوں فونز جدید اسنیپ ڈریگن پروسیسرز اور متعدد جدید خصوصیات سے لیس ہیں۔
شیاؤمی 18 پرو سیریز کو ایپل کے نئے فلیگ شپ آئی فون 18 پرو اور 18 پرو میکس کے مقابلے میں پیش کیا گیا ہے۔
یہ بھی پڑھیں: موبائل کے ’نشے‘ سے نجات دلانے والا بورنگ فون مارکیٹ میں آ گیا
شیاؤمی 18 پرو سیریز میں ڈوئل 200 میگا پکسل لائیکا کیمروں، بڑی بیٹریوں اور ہارڈویئر پر مبنی پرائیویسی تحفظ سمیت متعدد خصوصیات شامل ہیں۔
شیاؤمی 18 پرو میں اسنیپ ڈریگن 8 ایلیٹ جن 6 جبکہ 18 پرو میکس میں زیادہ طاقتور اسنیپ ڈریگن 8 ایلیٹ ایکسٹریم جن 6 پروسیسر دیا گیا ہے۔ دونوں چپس 2 نینو میٹر ٹیکنالوجی پر تیار کی گئی ہیں۔
View this post on Instagram
بیٹری کے حوالے سے 18 پرو میں 7,000 ایم اے ایچ جبکہ پرو میکس میں 8,500 ایم اے ایچ بیٹری دی گئی ہے۔ دونوں فونز 100 واٹ فاسٹ چارجنگ کو سپورٹ کرتے ہیں اور ژیاؤمی کی جن شا جیانگ بیٹری ٹیکنالوجی استعمال کرتے ہیں۔
18 پرو میں 6.4 انچ جبکہ 18 پرو میکس میں 6.9 انچ ڈسپلے دیا گیا ہے۔ دونوں فونز میں شیاؤمی کی سپر پکسل ٹیکنالوجی استعمال کی گئی ہے، جبکہ ڈسپلے کی زیادہ سے زیادہ روشنی 4,000 نٹس تک ہے اور ہارڈویئر سطح پر ذہین پرائیویسی تحفظ بھی موجود ہے۔
یہ بھی پڑھیں: شیاؤمی کا نیا فولڈ ایبل فون ’18 فولڈ‘ متعارف، قیمت کیا اور دستیابی کہاں ہوگی؟
کیمروں کی بات کی جائے تو ژیاؤمی 18 پرو میکس میں 200 میگا پکسل لائیکا مین کیمرا، 200 میگا پکسل لائیکا پیری اسکوپ ٹیلی فوٹو کیمرا اور 50 میگا پکسل الٹرا وائیڈ کیمرا دیا گیا ہے۔
ٹیلی فوٹو لینس 3.2 گنا آپٹیکل زوم کی سہولت فراہم کرتا ہے جبکہ میکرو فوٹوگرافی کے لیے یہ 12 سینٹی میٹر تک قریب سے فوکس کرسکتا ہے۔
شیاؤمی 18 پرو اور 18 پرو میکس فی الحال چین میں دستیاب ہیں، جبکہ عالمی سطح پر دونوں فونز کی دستیابی 2026 کے آخر میں متوقع ہے۔
قیمت کے حوالے سے چین میں ژیاؤمی 18 پرو کی قیمت 5,999 چینی یوآن (895 ڈالر، یعنی تقریباً 2 لاکھ 49 ہزار روپے) جبکہ 18 پرو میکس کی قیمت 6,999 چینی یوآن (تقریباً 1,043 ڈالر، یعنی تقریباً 2 لاکھ 89 ہزار روپے) مقرر کی گئی ہے۔
یہ بھی پڑھیں: شیاؤمی 18 فولڈ کی تصاویر لیک، رنگ اور خصوصیات کیا ہیں؟
دونوں ماڈلز میں ہائپر او ایس 4 آپریٹنگ سسٹم دیا گیا ہے، جبکہ عالمی مارکیٹ میں دستیابی رواں سال کے آخر میں متوقع ہے۔
