لانگ مارچ مؤخر کیے جانے تک پی ٹی آئی سے مذاکرات نہیں ہوسکتے، رانا ثنااللہ

وزیراعظم کے مشیر برائے سیاسی امور رانا ثنااللہ نے کہا ہے کہ لانگ مارچ مؤخر کیے جانے تک پی ٹی آئی سے مذاکرات نہیں ہوسکتے۔

مزید پڑھیں:سومنات: جب تاریخ سیاسی نعرہ بن جائے

جیو نیوز کے پروگرام ’جیو پاکستان‘ میں گفتگو کرتے ہوئے رانا ثنااللہ نے کہا کہ اسلام آباد میں کنٹینرز حفاظتی اقدامات کے طور پر رکھے گئے ہیں، کنٹینرز سڑک کنارے موجود ہیں اور سڑکیں کھلی ہیں۔

پی ٹی آئی قیادت سے پہلے بھی بیک ڈور رابطے تھے اب بھی ہیں، پر پی ٹی آئی کی قیادت کے پاس اختیار نہیں ہے کہ وہ لانگ مارچ کو موخر کر دیں تو لانگ مارچ موخرکیے جانے تک ان سے بامعنی مذاکرات نہیں ہوسکتے، راناثنااللہ pic.twitter.com/r90rLr5f4G

— Ali Tanoli (@alitanoli889) September 24, 2026

انہوں نے کہا کہ پی ٹی آئی قیادت سے بیک ڈور رابطے اب بھی جاری ہیں، تاہم لانگ مارچ مؤخر ہونے تک مذاکرات نہیں ہوسکتے۔ لانگ مارچ سے متعلق صرف بیانات دیے جارہے ہیں، عملی طور پر مارچ نہیں ہوگا۔

مزید پڑھیں:اسلام آباد کو ’سومنات‘ بنانے کا دعویٰ کرنے والا 24 گھنٹے گزرنے سے پہلے ہی بھاگ نکلا، خواجہ آصف

رانا ثنااللہ کا کہنا تھا کہ اسلام آباد میں کسی کو بھی چڑھ دوڑنے کی اجازت نہیں دی جائے گی۔