آل پارٹیز کانفرنس کا دعوت نامہ ملا تو شرکت پر مشاورت کریں گے‘ فواد چودھری

پاکستان تحریک انصاف کے رہنما فواد چودھری نے کہا ہے دہشت گردی کے معاملے پر بلائی گئی آل پارٹیز کانفرنس (اے پی سی) کا باقاعدہ دعوت نامہ ملا تو کانفرنس میں شرکت پر مشاورت کریں گے ۔
ٹوئٹر پر ایک پیغام میں فواد چودھری کا کہنا تھا شہباز شریف نے میڈیا پر دہشت گردی کے حوالے سے آل پارٹیز کانفرنس میں تحریک انصاف کو شمولیت کی دعوت دی ہے ۔

شہباز شریف نے میڈیا پر دہشت گردی کے معاملے پر آل پارٹیز کانفرنس اور تحریک انصاف کو شمولیت کی دعوت دی، لیکن ابھی تک اس ضمن میں تحریک انصاف کو کوئ دعوت نامہ نہیں ملا،باقاعدہ دعوت نامہ ملا تو اس کانفرنس میں شرکت پر مشاورت کریں گے

— Ch Fawad Hussain (@fawadchaudhry) February 6, 2023

ان کا کہنا تھا ابھی تک تحریک انصاف کو کوئی دعوت نامہ نہیں ملا، باقاعدہ دعوت نامہ ملا تو اے پی سی میں شرکت پر مشاورت کریں گے ۔
یاد رہے پاکستان تحریک انصاف کے رہنما پرویز خٹک نے گزشتہ روز زمان پارک لاہور میں میڈیا سے گفتگو میں کہا تھا حکومت کو آل پارٹیز کانفرنس میں شرکت کی دعوت دینی ہے تو وہ لکھ کر دعوت دیں، فون پر دعوت دینا کوئی طریقہ نہیں ہے۔