سری لنکا کی 16 رکنی قومی کرکٹ ٹیم ٹی 20 اور ون ڈے سیریز میں شرکت کے لیے کپتان کوشل مینڈس کی قیادت میں اسلام آباد پہنچ گئی ہے، جہاں پاکستان کرکٹ بورڈ (پی سی بی) کے اعلیٰ حکام نے ایئرپورٹ پر ان کا پرتپاک اور گرمجوش کے ساتھ استقبال کیا اورتمام کھلاڑیوں کو پھول پیش کیے۔
مہمان ٹیم کے اسلام آباد ایئرپورٹ پہنچنے پر پی سی بی کے حکام نے ان کا روایتی انداز میں پرجوش خیرمقدم کیا۔ تمام کھلاڑیوں کو پھولوں کے گلدستے پیش کیے گئے اور انہیں خوش آمدید کہا گیا۔
یہ بھی پڑھیں:ٹی20 ورلڈ کپ، پاکستان کا سری لنکا کے خلاف اہم میچ آج، قومی ٹیم کس طرح سیمی فائنل تک پہنچ سکتی ہے؟
سری لنکا اور انگلینڈ دونوں ہی بین الاقوامی سیریز کے لیے اپنے ون ڈے اسکواڈز کا اعلان کر چکے ہیں، جس کے بعد پاکستان میں بین الاقوامی کرکٹ کے ایک اور پرجوش مرحلے کا آغاز ہو رہا ہے۔
📸 Sri Lanka team arrives in Islamabad ahead of the T20I series 🛬
#PAKvSL https://t.co/8IqOh7kgB0
— Pakistan Cricket (@TheRealPCB) October 4, 2026
دوسری جانب، مہمان اور دیگر حریف ٹیموں کی جانب سے اسکواڈز کا بروقت اعلان اور آمد کے باوجود میزبان ملک کی ٹیم مینجمنٹ کی جانب سے اپنی ٹیم کا اعلان نہیں کیا گیا۔
اعلان کردہ 16 رکنی سری لنکن اسکواڈ
ٹی 20 اور ون ڈے ٹرائی سیریز کے لیے سری لنکا کے 16 رکنی اسکواڈ کی قیادت کوشل مینڈس کر رہے ہیں۔
اسکواڈ میں شامل دیگر کھلاڑیوں میں پاتھم نسانکا، اویشکا فرنینڈو، کامل مشارا، پون رتنائیکے، سہان آراچیگے، کامینڈو مینڈس، جنیتھ لیاناگے، داسن شناکا، ڈنیتھ ویلا لاگے، مہیش تھیکشنا، سچندو کولمباگے، دشمنتھا چمیرا، اسیتھا فرنینڈو، دلشان مدوشنکا اور ایشن ملنگا شامل ہیں۔
واضح رہے کہ پاکستان میں بین الاقوامی کرکٹ کی مکمل بحالی کے بعد سے غیر ملکی ٹیموں کی آمد کا سلسلہ جاری ہے۔
اس سیریز کے انعقاد سے ملک میں کرکٹ کے شائقین کو بہترین اور سنسنی خیز مقابلے دیکھنے کو ملیں گے، تاہم شائقین کی نظریں اب قومی ٹیم کے اسکواڈ کے حتمی اعلان اور انتظامی کارکردگی پر بھی ٹکی ہوئی ہیں۔
