عرب پارلیمنٹ کے صدر محمد الیمحیٰ نے سعودی عرب کے جازان اور نجران ایئرپورٹس پر حوثی ملیشیا کے حالیہ حملوں کی شدید مذمت کی ہے۔
یہ بھی پڑھیں: پاکستان کی مدینہ منورہ میں بجلی کی تنصیب پر حوثیوں کے حملے کی شدید مذمت
سعودی پریس ایجنسی کے مطابق محمد الیمحیٰ نے کہا کہ حوثی ملیشیا کی جانب سے سعودی عرب میں حملوں کا سلسلہ جاری ہے جن میں حالیہ حملے جازان اور نجران کے ہوائی اڈوں پر کیے گئے جس کے نتیجے میں بعض افراد زخمی ہوئے اور املاک کو نقصان پہنچا۔
انہوں نے کہا کہ شہروں اور شہری تنصیبات کو نشانہ بنانا بین الاقوامی قوانین کی خلاف ورزی اور خطے کے امن و استحکام کے لیے خطرہ ہے۔
مزید پڑھیے: ڈی جی آئی ایس پی آر کی تہلکہ خیز گفتگو، حوثیوں کے خلاف کارروائی، پاک فوج میدان میں
عرب پارلیمنٹ کے صدر نے سعودی عرب کے ساتھ مکمل یکجہتی کا اظہار کرتے ہوئے کہا کہ عرب پارلیمنٹ سعودی شہریوں اور وہاں مقیم افراد کے تحفظ اور سلامتی کے لیے کیے جانے والے اقدامات کی حمایت کرتی ہے۔
انہوں نے عالمی برادری پر زور دیا کہ وہ ان حملوں کے حوالے سے اپنی ذمہ داریاں پوری کرے، حملوں کے ذمہ داروں کا احتساب یقینی بنائے اور خطے میں امن و استحکام کے قیام کی کوششوں کی حمایت کرے۔
مزید پڑھیں: سعودی عرب پر حوثیوں کے حملے ناقابل برداشت، ہم ساتھ کھڑے ہیں، اسلام آباد کے شہریوں کے جذبات
محمد الیمحیٰ نے کہا کہ سعودی عرب کی سلامتی عرب دنیا کی مجموعی سلامتی کا اہم حصہ ہے۔
