نیشنل پریس کلب اسلام آباد کے خصوصی وفد نے وی نیوز کے دفتر کا دورہ کیا اور چیف ایڈیٹر عمار مسعود سے ان کی بھابھی کے انتقال پر تعزیت کی۔
صدر نیشنل پریس کلب عبدالرزاق سیال کی سربراہی میں وفد میں سیکریٹری ڈاکٹر فرقان راؤ اور سرفراز راجا شامل تھے، جبکہ سینیئر صحافی وسیم عباسی اور نعمت خان بھی اس موقع پر موجود تھے۔
وفد نے مرحومہ کی مغفرت اور اہل خانہ کے لیے صبر جمیل کی دعا کی۔
اس موقع پر نیشنل پریس کلب کے صدر عبدالرزاق سیال اور سیکرٹری ڈاکٹر فرقان راؤ نے صحافیوں کی فلاح و بہبود کے لیے کیے جانے والے مختلف اقدامات سے بھی آگاہ کیا۔
واضح رہے کہ 3 روز قبل چیف ایڈیٹر وی نیوز عمار مسعود کی بھابھی کا انتقال ہوگیا تھا، جنہیں سپرد خاک کردیا گیا ہے۔
ملک کی نامور سیاسی و سماجی شخصیات نے چیف ایڈیٹر وی نیوز عمار مسعود سے بھابھی کے انتقال پر تعزیت کا اظہار کرتے ہوئے دعا کی ہے کہ اللہ تعالیٰ مرحومہ کو جنت الفردوس میں جگہ عطا فرمائے اور سوگواران کو صبر جمیل دے۔
