نائب وزیراعظم و وزیر خارجہ سینیٹر محمد اسحاق ڈار نے پاکستانی برآمدات میں اضافے، عالمی منڈیوں تک رسائی بڑھانے اور تجارتی سہولتوں کو بہتر بنانے کے لیے یورپی یونین کے جی ایس پی پلس فریم ورک سے مؤثر اور بھرپور استفادہ کرنے کی ضرورت پر زور دیا ہے۔
نائب وزیراعظم و وزیر خارجہ اسحاق ڈار کی زیر صدارت پاکستان کے تجارتی اور برآمدی فروغ کے ایجنڈے سے متعلق بین الوزارتی اجلاس منعقد ہوا، جس میں بین الاقوامی تجارت کے فروغ اور عالمی منڈیوں تک پاکستانی مصنوعات کی رسائی بڑھانے کے مختلف پہلوؤں کا جائزہ لیا گیا۔
Deputy Prime Minister/Foreign Minister Senator Mohammad Ishaq Dar @MIshaqDar50 chaired an inter-ministerial meeting on Pakistan’s trade and export promotion agenda today.
The meeting focused on promoting international trade and market access, with detailed discussions on various aspects including human rights, labour rights and environmental governance in line with international commitments.
The DPM/FM emphasised strengthening trade facilitation, enhancing the quality of Pakistani products and expanding market access through an effective, full-spectrum utilisation of the GSP+ framework in the European Union. He reaffirmed the Government’s commitment to a coordinated, whole-of-government approach to boost exports and directed concerned ministries to maintain strong momentum to facilitate trade.
The meeting was attended by SAPM Tariq Bajwa; Secretaries of Foreign Affairs, Commerce and Human Rights; Pakistan’s Ambassador to Belgium and EU; senior officials from provinces, AJK and concerned ministries and departments.
— Ministry of Foreign Affairs – Pakistan (@ForeignOfficePk) October 28, 2026
اجلاس میں پاکستان کی بین الاقوامی ذمہ داریوں اور وعدوں کے تناظر میں انسانی حقوق، مزدوروں کے حقوق اور ماحولیاتی نظم و نسق سمیت مختلف امور پر تفصیلی تبادلہ خیال کیا گیا۔
اس موقع پر نائب وزیراعظم اسحاق ڈار نے کہا کہ پاکستان کی برآمدات بڑھانے کے لیے تجارتی سہولتوں کو مزید مؤثر بنانے، پاکستانی مصنوعات کے معیار میں بہتری لانے اور عالمی منڈیوں تک رسائی کو وسعت دینے کی ضرورت ہے۔
انہوں نے اس بات پر زور دیا کہ یورپی یونین کے جی ایس پی پلس فریم ورک سے تمام متعلقہ شعبوں میں مؤثر اور جامع انداز میں فائدہ اٹھایا جائے تاکہ پاکستانی مصنوعات کے لیے تجارتی مواقع میں اضافہ کیا جاسکے۔
اسحاق ڈار نے برآمدات کے فروغ کے لیے حکومت کے عزم کا اعادہ کرتے ہوئے کہا کہ اس مقصد کے حصول کے لیے تمام متعلقہ وزارتوں اور سرکاری اداروں کے درمیان مربوط تعاون اور مشترکہ حکومتی حکمت عملی ناگزیر ہے۔
نائب وزیراعظم نے متعلقہ وزارتوں کو ہدایت کی کہ تجارتی سہولتوں کی فراہمی اور برآمدات میں اضافے کے لیے جاری کوششوں کی رفتار برقرار رکھی جائے اور تمام ادارے باہمی رابطہ کاری کے ذریعے اقدامات آگے بڑھائیں۔
اجلاس میں وزیراعظم کے معاون خصوصی طارق باجوہ، سیکریٹری خارجہ، سیکریٹری تجارت، سیکریٹری انسانی حقوق، بیلجیئم اور یورپی یونین میں پاکستان کے سفیر، صوبوں اور آزاد جموں و کشمیر کے اعلیٰ حکام سمیت متعلقہ وزارتوں اور محکموں کے سینیئر افسران نے شرکت کی۔
