ترک صدر رجب طیب اردوان اور امریکی صدر ڈونلڈ ٹرمپ کے درمیان ٹیلی فونک رابطہ ہوا، جس میں دوطرفہ تعلقات، علاقائی کشیدگی اور یوکرین جنگ سمیت عالمی امور پر تبادلۂ خیال کیا گیا۔
مزید پڑھیں:ترک صدر رجب طیب اردوان کا دورہ سعودی عرب، سعودی ولی عہد محمد بن سلمان سے ملاقات
ترک ایوانِ صدر کے شعبۂ ابلاغ کے مطابق اردوان نے کہا کہ ترکیہ امریکا کے ساتھ تعلقات مضبوط بنانے اور مختلف شعبوں میں تعاون تیز کرنے کے لیے کام جاری رکھے گا۔ دونوں ممالک 2027 میں سفارتی تعلقات کے قیام کی 100ویں سالگرہ منائیں گے۔
ERDOĞAN, TRUMP İLE GÖRÜŞTÜ
Cumhurbaşkanı Erdoğan, ABD Başkanı Donald Trump ile telefon görüşmesi gerçekleştirdi. Görüşmede, İran merkezli gerilim, Ukrayna savaşı ve Türkiye-ABD ilişkileri ele alındı. https://t.co/bdsaF97uyi
— 24 TV (@yirmidorttv) October 29, 2026
اردوان نے آبنائے ہرمز اور یمن کی صورتِ حال پر تشویش کا اظہار کرتے ہوئے سفارتی کوششوں کے ذریعے مسائل حل کرنے اور کشیدگی میں اضافے کو روکنے کی اہمیت پر زور دیا۔
مزید پڑھیں:ترکیہ کے صدر رجب طیب اردوان سعودی عرب پہنچ گئے
ترک صدر نے یوکرین اور روس کے درمیان مذاکراتی عمل کی بحالی اور جنگ کے خاتمے کے لیے تعاون کی پیشکش بھی کی۔ اس موقع پر ٹرمپ نے اردوان اور ترک عوام کو یومِ جمہوریہ کی مبارک باد دی۔
