چیئرمین پاکستان کرکٹ بورڈ محسن نقوی کی جانب سے سہ ملکی سیریز میں شریک ٹیموں کے کھلاڑیوں اور آفیشلز کی میزبانی کی گئی۔ پاکستان، انگلینڈ اور سری لنکا کے کھلاڑی شاہی مہمان بنے، جہاں ان کا روایتی انداز میں استقبال کیا گیا۔
چیئرمین پی سی بی نے شاہی قلعہ کے عالمگیری دروازے پر تمام ٹیموں کے کھلاڑیوں اور آفیشلز کا استقبال کیا، مہمانوں کو بادشاہی مسجد، مزارِ اقبال اور حضوری باغ کی سیر بھی کرائی گئی۔
لاہور۔ چئیرمین پی سی بی محسن نقوی کی جانب سے ٹرائی نیشن سیریز میں حصہ لینے والی کرکٹ ٹیمز کے کھلاڑیوں اور آفیشلز کے اعزاز میں شاہی قلعہ میں خصوصی تقریب
انگلینڈ، سری لنکا اور پاکستان کے کھلاڑی شاہی مہمان بن گئے۔ شاہی استقبال، شاہی تواضع
شاہی قلعہ کی تقریب میں کھلاڑیوں ،کوچنگ و مینجمنٹ سٹاف نے شرکت کی
چئیرمین پی سی بی نے عالمگیری دروازے پر تمام ٹیموں کے کھلاڑیوں اور آفیشلز کو خوش آمدید کہا
کھلاڑیوں و میچ آفیشلز کو بادشاہی مسجد۔ مزار اقبال اور حضوری باغ کا ٹور کرایا گیا
غیر ملکی کھلاڑی و آفیشلز شاہی قلعہ کے دورے سے محظوظ ہوئے
غیر ملکی کھلاڑیوں نے رنگیلا رکشہ کی سواری کو بہت انجوائے کیا
ڈھولیچی گروپ کی شاندار پرفارمنس۔ سماں باندھ دیا۔ غیر ملکی پلئیرز نے بھرپور داد دی
دیوان خاص میں مغلیہ دور کے لباس میں ملبوس دربانوں نے غیر ملکی مہمانوں کا استقبال کیا
کھلاڑیوں اور آفیشلز کو دیوان عام۔ بارود خانہ۔ شیش محل کی بھی سیر کرائی گئی اورشاہی قلعہ کی تاریخ کے بارے آگاہ کیا گیا
غیر ملکی کھلاڑیوں اور میچ آفیشلز کا شاہی قلعہ کی تاریخی حیثیت میں گہری دلچسپی کا اظہار
آپ سب ہمارے خصوصی مہمان ہیں۔ محسن نقوی
پاکستان پر امن اور محفوظ ملک ہے، پاکستانی قوم کرکٹ کے کھیل سے خصوصی لگاو رکھتی ہے۔ محسن نقوی
غیر ملکی مہمانوں کے اعزاز میں عشائیہ کا بھی اہتمام کیا گیا
پی سی بی کا بہت شکریہ۔ تقریب یادگار تھی۔ غیر ملکی پلئیرز
تاریخی مقامات دیکھ کر خوشی ہوئی۔ لاہور سے خوشگوار یادیں لے کر جائیں گے۔ غیر ملکی پلئیرز
بہت انجوائے کیا۔ پہلی بار ایسی ناقابل فراموش تقریب دیکھی۔ غیر ملکی میچ آفیشلز
سری لنکا کے سفارتکاروں، چیف سیکرٹری پنجاب، سابق چیئرمین پی سی بی ذکا اشرف، رمیز راجہ، سابق کرکٹرز، چیف آپریٹنگ آفیسر پی سی بی، چیف ایگزیکٹو آفیسر پی ایس ایل اور اعلی حکام کی تقریب میں شرکت
— PCB Media (@TheRealPCBMedia) October 28, 2026
شاہی قلعے میں کھلاڑیوں اور آفیشلز نے دیوانِ خاص، دیوانِ عام، بارود خانہ اور شیش محل کا دورہ کیا جہاں انہیں تاریخی مقامات کے بارے میں بتایا گیا۔
مغلیہ دور کے لباس میں ملبوس دربانوں نے مہمانوں کا استقبال کیا، جبکہ ڈھولچی گروپ کی پرفارمنس نے تقریب کو 4 چاند لگا دیے۔ غیر ملکی کھلاڑیوں نے رنگیلا رکشہ کی سواری کو بھی خوب انجوائے کیا۔
مزید پڑھیں:صدرِ مملکت کی قوم اور کھلاڑیوں کو سہ ملکی سیریز میں فتح پر مبارکباد
اس موقع پر چیئرمین پی سی بی محسن نقوی نے کہا کہ تمام مہمان پاکستان کے خصوصی مہمان ہیں پاکستان ایک پُرامن اور محفوظ ملک ہے اور پاکستانی قوم کرکٹ سے خصوصی لگاؤ رکھتی ہے۔
تقریب کے دوران غیر ملکی کھلاڑیوں اور میچ آفیشلز نے شاہی قلعے کی سیر کو یادگار تجربہ قرار دیا، مہمانوں کا کہنا تھا کہ تاریخی مقامات دیکھ کر بہت خوشی ہوئی، وہ لاہور سے اچھی یادیں لے کر جائیں گے۔
