وفاقی حکومت نے پیٹرول کی قیمت برقرار رکھنے جبکہ ڈیزل کی قیمت میں 85 پیسے فی لیٹر اضافے کا فیصلہ کیا ہے، جس کے بعد ڈیزل کی نئی قیمت 400 روپے 67 پیسے فی لیٹر ہوگئی ہے۔
پیٹرولیم ڈویژن کی جانب سے 30 اکتوبر کے لیے پیٹرولیم مصنوعات کی نئی قیمتوں کا نوٹیفکیشن جاری کردیا گیا ہے۔
نوٹیفکیشن کے مطابق ڈیزل کی قیمت میں 85 پیسے فی لیٹر اضافہ کیا گیا ہے، جس کے بعد اس کی قیمت 399 روپے 82 پیسے سے بڑھ کر 400 روپے 67 پیسے فی لیٹر ہوگئی ہے۔
دوسری جانب پیٹرول کی قیمت 377 روپے 91 پیسے فی لیٹر پر برقرار رکھی گئی ہے، اس کی قیمت میں کوئی ردوبدل نہیں کیا گیا۔
