راکھی ساونت اور عادل خان کی راہیں جدا ہو گئیں

بھارتی اداکارہ راکھی ساونت کا کہنا ہے کہ ان کے شوہر عادل خان درانی اور انہوں نے راہیں جدُا کر لی ہیں۔

بھارتی میڈیا کے مطابق حال ہی میں شادی کے بندھن میں بندھنے والی اداکارہ راکھی ساونت نے انکشاف کیا ہے کہ انہوں نے اپنے شوہر عادل خان سے علیحدگی کر لی ہے اور اب وہ عادل خان کے ساتھ نہیں ہیں۔

راکھی نے میڈیا سے بات کرتے ہوئے بتایا کہ” ان کے شوہر کسی اور لڑکی کے ساتھ تعلقات میں ہیں اور اس ہی لئے وہ راکھی سے الگ ہوگئے ہیں

۔انہوں نے چیلینج کرتے ہوئے اس لڑکی کا نام لیتے ہوئے کہا کہ تم نے مجھے گالیاں دی جو میرے پاس ریکارڈ ہے،عادل نے تمہارا ساتھ دیا، اگر عادل اپنی بیوی کا نہیں ہوا تو کسی کا نہیں ہو گا۔

اداکارہ نے مزید کہا کہ میرے سارے پیسے اس نے لے لیے،مجھے ٹورچر کیا گیا،جسمانی،دماغی لیکن اب میری ٹینشن ختم اور آپ لوگوں کی شروع ہو گئی ہے۔

یاد رہے کہ راکھی نے گزشتہ ماہ میڈیا پر اعلان کیا تھا کہ انہوں نے اسلام قبول کر کے عادل خان درانی سے 7 ماہ پہلے شادی کر لی تھی تاہم اس کے کچھ دنوں بعد سے ہی ان دونوں کی علیحدگی کی افواہیں بھی پھیل گئی ہیں جن کی راکھی نے بھی تصدیق کر دی ہے۔