پاکستان تحریک انصاف (پی ٹی آئی) کے صدر شاہ محمود قریشی اور اسد عمر 9 مئی کے واقعات اور مقدمات کی تفتیش کرنے والی جوائنٹ انویسٹی گیشن ٹیم (جے آئی ٹی) کے سامنے پیش ہو گئے۔
شاہ محمود قریشی اور اسد عمر نے جے آئی ٹی کے سامنے پیش ہو کر بیان ریکارڈ کروایا۔
پولیس کے مطابق 9 مئی کے حوالے سے شاہ محمود اور اسد عمر سے سوالات کیے گئے، دونوں رہنماؤں کے سامنے 9مئی کے واقعات کے ڈیجیٹل اور فرانزک شواہد رکھے گئے، دونوں رہنماؤں نے سوالات کے جوابات ریکارڈ کروائے۔
جے آئی ٹی میں پیشی کے بعد میڈیا سے مختصر گفتگو میں شاہ محمود قریشی نے کہا کہ ’سربراہ جے آئی ٹی نے کچھ سوالات کیے اور پوچھا کہ آپ کا 9 مئی کے واقعات میں کیا کردار تھا، ہمارا کوئی کردار تھا نہ ہی ہم ملوث ہیں، تفتیش کے سوالات اور نکات کو میڈیا پر لانا مناسب نہیں۔‘
اسد عمر نے میڈیا سے گفتگو میں کہا کہ ’پولیس نے 9 مئی کے حوالے سے پوچھا ہے، جتنی ہمارے پاس معلومات تھی ہم نے بتا دی ہیں۔‘
