بلوچستان کے سابق وزیر اعلیٰ اور چیف آف سروان نواب محمد اسلم رئیسانی وڈھ میں دو قبائل کے درمیان کشیدگی کو کم کرنے کے لیے قبائلی عمائدین کے ایک وفد کے ہمراہ خضدار پہنچ گئے ۔ وفد میں نوابزادہ حاجی لشکری رئیسانی، نوابزادہ رئیس رئیسانی اور دیگر قبائلی عمائدین شامل ہیں۔
خضدار پہنچنے پر نواب اسلم رئیسانی سے کمشنر قلات ڈویژن داؤد خلجی اور دیگر پولیس حکام نے ملاقات کی اور انہیں وڈھ میں دو گروپوں کے درمیان جاری کشیدگی سے متعلق تفصیلی آگاہ کیا، اس موقع پر ضلعی انتظامیہ اور دیگر سیکیورٹی حکام بھی موجود تھے۔
سابق وزیر اعلیٰ بلوچستان نواب اسلم رئیسانی، نوابزادہ لشکری رئیسانی، رئیس رئیسانی اور دیگر وڈھ میں سردار اسد اور میر شفیق مینگل سے بھی ملاقات کریں گے۔
