’ جہاز ایپل نے بنایا ہے اس لیے ونڈو نہیں‘ برٹش ایئرویز کی بنا کھڑکی کے نشست

سفر کے دوران عموما مسافروں کی یہ خواہش ہوتی ہے کہ ان کو کھڑکی والی سیٹ ملے تاکہ وہ سفر کے دوران باہر کے نظاروں سے لطف اندوز ہوسکیں۔ اب سفر چاہے ٹرین کا ہو یا جہاز کا ترجیح ہمیشہ کھڑکی والی نشست کو ہی دی جاتی ہے اور بعض اوقات مسافر اپنی مطلوبہ ونڈو سیٹ حاصل کرنے کے لیے اضافی رقم بھی ادا کرتے ہیں۔

ایسا ہی کچھ انیردھ مٹل نامی مسافر نے کیا جب اس نے برٹش ایئرویز سے فلائٹ بک کروائی۔ اس شخص نے لندن کے ہیتھرو ہوائی اڈے پر اترتے وقت ایک خوبصورت منظر دیکھنے کے لیے برٹش ایئرویز کی پرواز میں دائیں طرف والی کھڑکی والی سیٹ کے لیے اضافی رقم ادا کی۔ تاہم، جب وہ ہوائی جہاز میں سوار ہوا تو وہ مایوس ہو گیا۔

اپنی مایوسی کی وجہ بیان کرتے ہوئے انیردھ مٹل نے سماجی رابطوں کی ویب سائٹ ٹویٹر پر ایک تصویر پوسٹ کرتے ہوئے لکھا کہ میں نے دائیں طرف والی کھڑکی والی سیٹ کے لیے اضافی رقم ادا کی کیونکہ جب آپ ہیتھرو میں اترتے ہیں تو یہ خوبصورت منظر قابل دید ہوتا ہے۔برٹش ایئر ویز میری کھڑکی کہاں ہے؟

I paid extra for a right side window seat because it’s supposed to be beautiful when you land into Heathrow.@British_Airways where’s my window yo? pic.twitter.com/2EBYlweAfW

— Anirudh Mittal (@dhumchikdish) February 5, 2023

تصویر میں دیکھا جا سکتا ہے کہ سیٹ کے ساتھ کوئی کھڑکی نہیں ہے۔ دیکھتے ہی دیکھتے یہ ٹویٹ وائرل ہوگئی اور سوشل میڈیا صارفین نے جہاں طنز ومزاح سے بھرپور تبصرے کیے وہی کچھ صارفین نے اپنے اسی طرح کے تجربات شیئر کیے۔

گفتگو میں حصہ لیتے ہوئے ایک صارف نے لکھا یہ جہاز ایپل نے بنایا ہے اس لیے اس میں ونڈو نہیں ہے۔

It’s a plane made by Apple. No windows.

— karanbir singh 🫶 (@karanbirtinna) February 6, 2023

اسی حوالے سے ایک اور صارف نے تبصرہ کرتے ہوئے کہا کہ کسی نے یہ کھڑکی کھولنے کی کوشش کی ہوگی اسی لیے انہوں نے مستقل طور پر بند کردی ہوگی

Someone tried to open it, so they permanently shut it down.

— RahlS_2017 (@RSu27738855) February 6, 2023

طنزو مزاح کرنے والوں کے ساتھ ساتھ کچھ ایسے لوگ بھی تھے جنہوں نے فوٹوشاپ کے ذریعے اس سیٹ کے ساتھ کھڑکی بنا ڈالی۔ ایک صارف نے فوٹوشاپ کی ہوئی کھڑکی کی تصویر شئیر کرتے ہوئے لکھا یہ لیں میں نے آپکا مسلہ حل کردیا۔

There you go….I fixed it pic.twitter.com/drDrcnra2p

— Debabrata Chakraborty (@its_dbchk) February 6, 2023

گفتگو آگے بڑھی تو بہت سے صارفین ایسے بھی تھے جو بلکل ایسی ہی صورتحال سے گزر چکے تھے ، ایک صارف نے لکھا میں آپکا دکھ محسوس کر سکتی ہوں

I feel you so much!! pic.twitter.com/jphmE5LBQm

— Apurva Chandwadkar (@Appppppurva) February 6, 2023

صارفین کا کہنا تھا کہ اگر مسافر نے زائد رقم ادا کی ہے تو اس کو مطلوبہ سیٹ ملنی چاہیے تھی۔ ائیرلائن کو چاہئے کہ پسنجر سے معافی مانگے اور اور انھیں زائد رقم واپس ادا کی جائے۔